Aizawl | April 29, 2020: Hripui len chhung a mi retheite chhawmdawlna turin Sorkar laipui chuan Pradhan Mantri Garib Kalyan Yojana hnuaiah chhawmdawlna package cheng Vaibelchhe Rs 1.70 a ruahman a. Rampum huapa kan inkharkhip mek lai hian khawsak harsa zawkte'n he chhawmdawlna hi an zangkhai pui hle a.
Tun thla April ni 23 thleng khan he Yojna hnuaiah hian mi rethei Vaibelchhe 33 chuangte tan chhawmdawlna atan cheng vaibelchhe 31,235 hman a ni tawh a.
Serchhip district-ah pawh Pradhan Mantri Garib Kalyan Yojana vang hian mi rethei khawsak harsa zawkte chuan Sorkar hmalakna hi tha an tiin an fak.
Serchhip District a cheng Pu Lalrozuala chuan MGNREGS hmangin tanpuina a dawng a, an chhungkhaw mamawh zualpui phuhru thei a a awm tak avangin a lawm hle a ni.
Serchhip district vek a cheng Pu Lalpianthanga pawhin MGNREGS hmangin chhawmdawlna hi a dawng.
Serchhip Hmar venga khawsa Pi Lalruatsangi chuan PM Ujjwala Yojna hnuaiah a thlawnin eirawngbawlna gas cylinder a dawng a. A dawngtu/Beneficiary-te chuan Pradhan Mantri Garib Kalyan Yojana chu an zangkhai pui hle thusawiin a thlawn a ration leh gas cylinder-te an dawn bakah PM Kisan scheme leh Jan Dhan Yojna hmangin tanpuina dang pawh an dawn thu an sawi a ni.
- PIB Aizawl
Post a Comment
He post chungchanga i ngaihdan lo sawi ve rawh: