SUM A THAM THEIH LOH BAIRABI NORTH VILLAGE TASK FORCE

#Vai sumdawng ten cheng 70,000/- pek an tum!

Aizawl | April 25, 2020: Covid 19 vanga Lockdown karah Mizoram luh tum an tam a, dan in a phal leh dan phal loh a luh luih tum tawk lah an tam. Heng zing-ah hian Bairabi North Local Task Force duty chuan luh phal loh, luh luih tum Vai sumdawng aṭanga thamna tam tak an lo hnawl tawh.

Tunhnai mai-ah, April 21 zan khan panhnah chawk luh tum vai sumdawng ten duty te hnenah  an tlang tir chuan cheng 70,000 (singsarih) peka insem turin tham an tum.

Bairabi North Village  Task Force duty chuan pawisa a tham theih an nih lohzia leh ram leh hnam tana himna tur chauh an ngaihtuah thu leh an duh thu sawiin, dan zam anga ni hnih chhung quarantine/din tir an duh loh chuan Assam lama let leh turin an hrilh a, Assam lamah an let leh ta a ni. 

Thudawnnain a sawi dan chuan, Vai chauh ni lo Mizo sumdawng te ngei pawh hian duty-te suma tih lungawi an tum fo mai a. Sumdawngte avang hian he hripui Covid-19 hian kan ram a lut ang tih a hlauhawm hle a ni.

Ni sensa leh khaw lum hnuai-ah an duty a, ei leh bara harsa tak tak karah sum tam tham taka thamna an lo hnawl hnem viau tawh niin thu dawnna chuan a sawi.

Covid-19 hripui laka kan himna tura lockdown kal zelah Bairabi North Village Task Force chuan  Assam nena kan inrina ramri depah ngawrh zawkin ramri ven hna a thawk mek zel a, duty thalaiten tlaivarin ramri ven hna an thawk reng a ni.

Tunah hian ramriah essential commidities bakah panhnah chawk luh tum an thahnem thin hle a, Covid-19 Bairabi Joint Village Task Force chuan direct a bungrua Bairabi khaw pel tur leh Bairabi khawchhung lut tur chu tha ti lovin, Zoram mipui tan him tawk lo niin a hria a, kan ram kan him nan tiin fimkhur thu hlaah Bairabi khaw pel tur reng reng chu ni hnih (48 hrs) tal Bairabi khaw daiah essential commodities phur lirthei chu ding thin turin leh Bairabi a lut tur erawh ni thum (72 hrs) quarantine thin turin dan a zam a ni.

Khauh taka ramri ven anih  avangin mihring lut an awm ta  mang lo va, Chutihrualin, zan rei lama essential commodities bakah panhnah direct-a chawk luh tum an la awm fo a ni. 

Zoram mipuite he hripui laka kan him theih nan Bairabi North Village Task Force chuan theihtawp chhuahin ramri ven hna, a sur a sa hnuaiah pawh a thawk mek zel a, ram tana hriselna tha nei zel turin Zoram mipui Tawngtaipuina Bairabi North Village Task Force hian a mamawh hle.