Aizawl | April 24, 2020: Mizoram sawrkar chuan Plastic Pollution tih tlem nan sawrkar office leh institution zawng zawng function/programme-ah Plastic Waste Management Rules, 2016 tlawhchhanin flex board leh Poly Vinyl Chloride poster te hmang tawhlo turin a hriattir.
Poly Vinyl Chloride (PVC) hi tawihthei theilo a ni a, halin mihring tana chemicals hlauhawm- dioxins, furans leh adangte a pe chhuak a, mihring tan mai ni lovin kan chenna khawvel ecosystem food-chain tibuai theitu a ni.
Plastic Pollution hi India ram pumah a lo tlem zawk nan vawikhat hman plastic (single use plastic) te hi hmang tawhlo turin sawrkar laipui chuan a phut a ni.
PVC hmanglo a tawihthei (biodegradable) puan emaw natural fibre-based board te hmang tura thurawn pek a ni.
Post a Comment
He post chungchanga i ngaihdan lo sawi ve rawh: