Aizawl | April 23, 2020: Covid-19 hri leng avanga ramri venghimtu Kolasib leh Mamit district chhunga khaw hrang hranga VLTF-te chhawmdawl hna thawk turin Electric veng YMA member 48 chu motor 15 hmangin tukin dar 7:30 khan an thawk chhuak.
Tlawmngaia YMA member thawk chhuakte hi Pastor Biaksailova'n tawngtai sakna a neih hnuin Home Minister Lalchamliana, chuan tluang taka kal tura duhsakna nen Sakawrpului atangin a vai liam.
He tanpuina hna thawhnan hian veng mipui, pawl/club leh YMA-in sum thahnem tak an thawh khawm a, chung hmang chuan ei tur lam chi leh ramri vengtute mamawh tur chi hrang hrang lei khawm bakah sum fai thahnem tak Electric Veng Branch YMA Aizawl bultuma ramri venga duty te ṭanpuina thawhlawm mi hrang hrang 225 te thawhkhawm cheng 7,76,868 leh Electric veng Br YMA in a doletna cheng 1,50,000 nen a vaiin cheng 9,26,868 chu tukin khan Kolasib leh Mamit district khaw hrang hranga pe turin group hrang 4 a inṭhen in an fehchhuak ta a ni.
Ruahman ang chuan khaw 20 an tlawh dawn a, an kalna hlat leh hnaih a zirin zan hnih khat an riak ang.
Midang tana luangchhuak tura veng mipui leh pawl/club-te inpekna leh tanrualna hi a ropui hle a, an chhuanawm takzet a ni.
Post a Comment
He post chungchanga i ngaihdan lo sawi ve rawh: