Aizawl | April 17, 2020: Ngaizel Petrol Pump bula kawng chhak lam ko/kham chu tukin khan a chim.
He ko chim vang hian kawngpuiah lung a tla nasa hle a. Kawngpui a dangchat a, Lirthei kaltlang theih a ni lo.
Lung lian tak tak a tiang ur a, Lirthei kal theih a ni lova, Petrol pump kawt velah lung a tam hle a ni.
He lungtla hian kawngpui a hnawhping a, eng lirthei chi mah a kaltlang thei lo.
He chhiatna thlenna hmun hi a hriat veleh Dr F Lalnunmawia MLA Aizawl South III chuan pan nghalin PWD hotu te nen kawng thenfai dan tur an sawiho nghal a ni.
Ngaizel hi a bial ni lo mahse a bial Chhimphei tlangdung te kawtchhuah pawimawh ber anih avangin Dr.Mawitea hian a ngai pawimawh hle a. A MLA tirh phat aṭanga ngaihvenin Ngaizela lung tla ṭhinin harsatna a siam dan te, lungtla mai thei a awm leh awm loh enfiaha fur a thlen hmaa hal tlak mai a ṭhat thute a lo sawi tawh niin thudawnna chuan a sawi.
Thudawnnain a sawi danin lung tlakna hmun hi Lalnghakliana filling Station leh Jai Jawan Hotel zawn vel a ni a.
Helai hmun hi Kulikawn Local council huam chhung niin, tunah hian ruah leh thli a thawk mek bawk a ni.
(A hnuaia fakna hi lo hmet ve rawh.)
Beng var thlak ṭhin e
ReplyDeleteHelai hmun hi chu a hlauhawm ve em....petrol ka thun dawn a kan in line lai in vawikhat chu lung lian over lo hi lo tla a...ATM booth chhung ah kan tlan lut rang khawp a....Ngaizel kawng phei saw a hlauhawm hrim2.....thi leh hliam an awm lo chu a lawmawm hle mai
ReplyDeletePost a Comment
He post chungchanga i ngaihdan lo sawi ve rawh: