Aizawl | April 17, 2020: Young Mizo Association (YMA) Zokhawthar Branch chuan YMA Duty badge leh Task Force lehkha hmanga Ruihhlo No. 4 tawlh vangin chhungkaw hnih an ensawn dawn.
YMA Zokhawthar thuchhuahin a tarlan danin, "Zokhawthar Branch YMA chuan Pu T. Lalhmingliana leh Pi Romawii te chhungkua chu YMA Duty Badge leh Task Force Permit nena Ruihhlo No. 4 an lo tawlh ruk avangin tiam chin awm lovin an chhungkua ve ve hi ENSAN an ni," a ti.
He thuchhuah hi Zokhawthar YMA preident Thankunga Pachuau leh secretary Medalthanga ten an chhuah a ni.
Thudawnnain a tarlan danin, T Lalhmingliana kum 50 mi chuan Zokhawthar dam lo Champhai damdawiin a phurh nan a motor thawin a man a hruai a, Lockdown lai a nih vangjn Zokhawthar Local Task Force kalchhuah phalna lehkha siamsakin an kal ta a..Mahse, Champhai Sub - Headquarters YMA in lo manin No. 4 a keng tih hmuh a ni ta a ni.
A ni bakah hian an ensan chhungkaw zinga mi Pi Romawii fapa Biaklawimanga (28) an unaupa thlah tur anga insawiin Zokhawthar YMA leh Task Force ah chhuah phalna a dil angin pek a ni a, a ni pawh hi Kawlkulh ah Ruihhlo nen man a tawk leh ta a ni.
Hegiang dinhmun a nih takah hian an khaw hming tihliautu leh YMA leh Task Force zahawmna tibawrhbangtute chhungkua chu Zokhawthar YMA chuan tiamchin awm lova ensan rih an rel ta a ni.
Post a Comment
He post chungchanga i ngaihdan lo sawi ve rawh: