Aizawl | April 1, 2020: BJP Mizoram chuan vawiin khan thuchhuah siamin, "Covid 19 hrileng vanga inkhunghran a tul vanga lo neitute tan a PM Scheme kaltlang a Mizoram chhungkaw tam tak-te account ah pawisa thunsak an ni hi lawm awm kan a, hnathawk hleithei lo a mangang taka kan awm lai a, heng ruahmanna tha tak a awm leh, Union Finance Minister Sitharaman'in a puan atanga hun reilo te a, a dawng tur ten an dawng thei hi lawmawm kan ti hle" an ti.
Mizoram BJP chuan, Sorkar thuchhuahin, "PM-KISAN hnuaia loneitu inziaklut tawh, Bank account leh Aadhaar Card chiang tawk lo leh dik tawk lo, siam that ngai eng emaw zat leh pawm tawh zingah pawh an account-a la chhunluh loh eng emaw zat an la awm bawk a ni," tia a tarlan chu Sorkar in hma la a, an tihfelsak ve thuai an beisei thu tarlangin, hemi bakah hian BJP chuan, sawrkar chu Ujjwala Scheme kal tlanga Free Gas Connection nei ten thla thum chhung Gas Free an dawn na tur leh Buhfai te pawh a free a dawng tur ten an dawn vat theihna tura chak tak a hmala zel tur leh mipui harsatna te sutkian anih theihnan a arang lama hmala turin an phut bawk.
Union Finance Minister Nirmala Sitharaman chuan tunlaia hrileng Novel Coronavirus (COVID-19) avanga harsatna tawk mek kuthnathawktute chhawmdawl nan PM-KISAN hnuaia loneitu (beneficiary)-te puihna turin an account-ah Rs. 2,000/- theuh thunluh a nih tur thu a puang tawh a. Hei hi Mizoram sawrkar pawhin a rang thei ang bera kalpui nghalin PM-KISAN hnuaia loneitu (beneficiary) 40,890 te account-ah Rs. 8,17,80,000/- (Cheng vaibelchhe riat nuai sawmpasarih leh sing riat) chhunluh a ni.
MBJP chuan, "Novel Coronavirus (Covid19) vanga hatsatna kan tawh na ah hian Central Sorkar in a hma a lak na te afakawm, an tih thu tarlangin, Heng hi kan Sorkar hrawn mekin an mahni tih ang maia an sawi niin an lo hria a, mipui ten harsatna nasa tak an tawh laia mahni Party hamthat nan leh mahni tih ang mai a sawi tawh lo turin MNF Sorkar an ngen bawk.
Post a Comment
He post chungchanga i ngaihdan lo sawi ve rawh: