Mizoram atangin Mosolman Inkhawmpui a kal awm lo - Mizoram Police

Aizawl | April 6, 2020: Tunhnai March 2020 thlatir lama Nizamuddin, New Delhi-a Mosolman khawmpui Tablighi Jaamat Markaz atanga Covid-19 darh nasat dan chu Mizoram Police chuan hre rengin Mizoram chhung atanga kal an awm leh awmloh ngun takin a chhui reng a ni. Ngun taka chhuichian anih hnuah hriat theih chinah Mizoram atanga kal hi an awmlo ngei ni a hriat a ni a, chutih rual in Village Level Task Force te nen tangkawp in hripui kai te Mizoram a an luh lohna turin theihtawp chhuah mek a ni.

He thu hi Inspector General of Police (Hqrs) leh Chief Public Relation Officer (CPRO) Mizoram Police Media Cell ni bawk chuan thuchhuah siamin an tarlang.

Mizoram Police leh thenawm state Assam leh Tripura Police te chuan he Muslim khawmpui a Assam  leh Tripura State atanga tel te chhuichhuah hna hi ngawrh takin an la bei zui zel a.

Fimkhur theihtawpa kan lo inven lawkna kawng atan he Mosolman khawmpui a tel Mizoram chhunga la awm kan awm palh a nih chuan ni April 7 (Thawhlehni) tlai dar 6:00PM hma ngei in mahni awmna Police Station hnai ber ah in report turin Mizoram Police chuan a hriattir. 

In report lo, hriatchhuah te chu khawng takin The Disaster Management Act 2005 leh Indian Penal Code hmangin hremna pek an ni ang.

Post a Comment

0 Comments