Aizawl | April 29, 2020: COVID-19 dona atana inkharkhip anih tak avangin hmundanga hnathawk a awm (migrant workers)-te, sakhaw thila zinte, chawlhhmang a zinte, zirlaite leh midangte ram chhung hmun hrang hrangah an tangkhang mek a. Tunah hian Sorkar laipui chuan thangkhangte hi by road a haw a phalsak a. Heng mite hi an tanna leh an haw duhnate an inbiak fel a, rem an tihtlan chuan State/UT pakhat atang a State/UT dang pakhatah an haw thei dawn a ni.
Hetiang a hawte hi an tum hmun an thlen hunah damdawi lama thuneitute'n an lo enfiah ang a, an enfiahna atanga hmun ruat bika khunghran tul an tih lemloh chuan inah inkhunghrang tura tih an ni ang a. A khat tawka an hriselna enfiahin thlithlai zui reng an ni ang.
Hemi atan hian State/UT-te chu haw tharte hnenah hian an hriselna dinhmun enzuia track awlsamna atan Aarogya Setu app hmang tura hriattir tura tih an ni.
Tunah hian Mizoram mi, state danga tangkhang 5,000 chuang an awm mek a. Mizoram chhungah state dang mi tangkhang 26,000 bawr vel an awm mek bawk.
Mizoram sorkar chuan Mizoram mi leh sa, Assam, Meghalaya, Manipur leh Tripura-a tangkhangte hruai hawna tur a kalpui mek.
Tunah hian Mizoram mi, state danga tangkhang 5,000 chuang an awm mek a. Mizoram chhungah state dang mi tangkhang 26,000 bawr vel an awm mek bawk.
Mizoram sorkar chuan Mizoram mi leh sa, Assam, Meghalaya, Manipur leh Tripura-a tangkhangte hruai hawna tur a kalpui mek.
- PIB Aizawl
Post a Comment
He post chungchanga i ngaihdan lo sawi ve rawh: