Sihphir | April 15, 2020: Vawiin khan Sihphir-ah lirthei chetsualna thlengin mi pakhatin hliam a tuar a, mi pahnih; nupain nunna an chan.
Vawiin chawhma dâr 10:30 vêl khân Car (Grand i10, sen) R Lalchhuanmâwia @Patea s/o R Hrângchhuana Sihphir Vênghlun khalh chu Nausel phai kawng khâmah a chesual a, amah hian hliam na tak tuarin Synod Hospital Durtlang-ah enkawl mek a ni a, Motora chuang ve Vincent Lalrinhlua (50) leh Rângchhîngpuii (51) nupa erawh a hmunah an thi nghal.
An chêtsualna hmun hi Nausel aṭanga 4/5 km vêl a ni mai thei e. Lalruanga tui thuhrûkna mual hnuai vêl a ni.
Motor khalhtu patea leh Rângchhîngpuii hi a car lumna chin an thleng ve ve a. Vincent Lalrinhlua erawh a sawh chhuak thung a (car nên hian feet 20 vêlin an inhlat).
Thudawnna in a sawi danin, Chhingpuii hian a chhhungte biain "Kan accident a, ka thi ṭêp, min rawn la chhuak rawh u," a tih hnu deuh lawkah a chatthla zui ta a. Mahse, An chetsual thu erawh Patea hnên aṭanga dawn (phone call hmangin) a ni a, khawtlâng inhriattir nghâl a ni. Ani hian hliam a nei nual a; Synod Hospital, Durtlâng-ah enkawl a ni.
.
Pu Mahlua-te nupa hi hna thawk tûra ramriah tuma kal an ni a. Motor hi kawng kâwiah tlân tlangin, metres 150 - 200 vêl a lum a, an lumna hi a khâm hle a; lêngkîr awmna a ni.
Annruang hi posmortem tûrin Civil Hospital panpui nghâl a ni.
Mahlua te nupa hian fa - mipa 4 leh hmeichhia 2 an kalsan.
.
Kan tûn lai dinhmun thlir chungin zânin dâr 9:30 khan vui an ni.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: