Aizawl | April 15, 2010: Mizoram sawrkar chuan Mizoram mi leh sa ram pawna tangkhang mekte ṭanpuia hruailut turin hma a la mek a, hemi atan hian website an siam.
He website hi http://tangkhang.mizoram.gov.in niin hetah hian Ram pawna tangkhang, la inreport lote chu inziahluh tur a ni.
 |
| Website mobile view screenshot |
Website-ah chuan, "He portal hi Mizoram mi leh sa dik tak, Mizoram pawna Covid-19 hrileng vanga tangkhang ten, Mizoram Sawrkar hnena an in report theihna tura buatsaih a ni e. (Mizoram chhunga awm mek te tan a ni lo! )" tiin a inziak a, chiang takin Mizoram chhunga awm mekte tana inziahluhna tur a nih loh thu a inziak.
He website kaltlang hian mahni inziahluh mai tur a ni a, dahkhah ngaite dahkhatin awlsam takin mahni inziahluh mai tur a ni.
He thil sawrkarin a buatsaih hi a la hre lote hrilhhriat zel nise, Mizoram pawna Mizoram mi tangkhang mekte hriat zel an nih theih nan a ṭha dawn hle a ni.
Ram pawna Mizoram mi leh sa tangkhang mekte buaipui tur hian Mizoram sawrkar chuan Task Group on Migrant Workers & Stranded Travellers a din a, hetah hian Home department Additional secretary nilai Laldawngliana MPA chu chairman a ni a, GAD deputy secretary Margaret Lalrinawmi MCS chu member secretary niin, Food & Civil Supply & Consumer Affairs (FCS&CA) joint secretary
Alexander V Chongthu MCS chu member a ni bawk.
He Website ah hian, "He portal hi Mizoram mi leh sa dik tak, Mizoram pawna Covid-19 hrileng vanga tangkhang ten, Mizoram Sawrkar hnena an in report theihna tura buatsaih a ni a, heng mite hi pui turin theihtawp chhuah mek zel a ni a, amaherawhchu heta in report avang hian he portal siam tuten Sawrkar thuchhuak bak chu heta in report te lakah mawh an phur lo." tiin a inziak bawk.
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: