Aizawl | April 15, 2020: Central Young Mizo Association (CYMA) hruaitute chuan vawiin khan Mizoram hmun hrang hranga ramri vengtute an ralvenbuk-ah tlawhin an dinhmun an zirchiang.
Zawluam - Langkaih lam tlawha kal zinga mi central YMA vice president Lalhmachhuana chuan, "A hmun a han hmuh chuan mihring an chau tawh a. Thalaite an thawkrimin an chau tawh hle a, an inpekna erawh a ropui hle a ni." tiin ramri venga ṭhalaite inpekna ropui zia exploremizoram.com a hrilh.
Ramri veng tute tlawhkualna-ah hian CYMA vice president Lalhmachhuana chuan Duty te fuihin, "A dai theu a Mizo te kan him theih nan a Goal veng tu ten ṭhahnemngai taka he hripui Covid 19 in Mizote min chim ve loh nan a an inpekna-ah lawmthu a sawi a. Tin, Hri hi hmuh theih loh leh khawih theih loh a ni si a, a pu darh thei tur mihring te erawh Ramri a an lo luh loh nana uluk tak a lo veng chhunzawm zel turin a chah bawk.
Duty tlawmngaite leh YMA hruaitute chuan CYMA in an tlawh avanga an thlamuan thu sawiin, lawmthu an sawi bawk.
Zawlnuam Langkaih lam a CYMA team kalte hian Duty te an awmnaah zel tlawhin an dinhmun an zirchiang a, YMA branch hrang hrangte ṭanpuina cheng 5000 an hlan zel.
CYMA team-te hian Duty te a hmunah kalchilhin an harsatna tawn te an zirchiang a, Task Force hmalakna bakah Ṭhalaite inpekna te a takin an hmuhpui a ni.
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: