Hripui vei enkawl mek dinhmun ṭha chho mek; Ṭawngṭaipui ngai

Aizawl | April 7, 2020: Mizoram-a Hripui vei pakhat awm mek chu Zoram Medical College (ZMC) ah Medical thawktuten enkawlin an vil reng a, zanin dar 7 thlenga thu dawn dan chuan a dinhmun hi a ṭha lamin hma a sawn chho zel nia hriat a ni.

Thudawnna chuan, "Chawhnu dâr 1 vêlah tlêmin a khua a sik tih loh chu a dinhmun a pangngai a. A ṭha lamin a kal ve hret hret a, virus infection hi a thûk deuh avângin a ṭha chak thei vak lo a ni."  tiin a tarlang a.

"Pathian hnathawh dîlin ṭawngṭai zêl ila. Amah enkawltu doctor leh nurse te pawh i ṭawngṭaipui zêl ang u."  tiin thudawnna chuan ṭawngṭaipui turin mipui a ngen a ni.

Ṭawngṭainaa thlen turte:
  • A pneumonia hi a lo reh thuai theih nân.
  • A taksaa natna dotu sipaite (immunity) he natna hneh thei tûra tihchaka an awm theih nân.
  • A taksa pêng pawimawh (vitals) dangte ṭha taka a function zêl theih nân.
  • Khâwl (ventilator etc) hmanga puih ngai lova a lo chak thuai theih nân.
  • A natnain a kiansan a, an test nawnna result a lo negative theih nân.
  • Kan Pathian hi a nung a ni tih hnam dangte leh, keini Zofate ngei pawhin kan hriat thar lehna tûra Pathian ropuina puanchhuaha a awm ngei theih nân.

Post a Comment

He post chungchanga i ngaihdan lo sawi ve rawh:

Previous Post Next Post