HRIPUI DO TUR HIAN KEI NI KANHMUN TASK FORCE /ṬHALAITE HIAN ROBOT NIH KAN VA CHAK EM!

Covid 19 hripui hrang chuan kei ni KANHMUN MIPUI, MIZORAM khawthlang tawp a awm te chu min va ti lu hai ta em! Ṭawngka a luhai han tih mai pawh hian kan luhaina hi a sawi fiah zo tawh lo a chha chu ani ta mai si a. Nunau an mangang, nu leh pa an mangang, nula leh tlangval (ṭhalaite)kan mangang, Pitar leh Putarte pawh, Covid 19 vei chu kan ṭhenawm DAMCHERA, KATHUA TRS OUTPOST ah an awm ta, KATHUA Out post hi KM 3 chauh ani Kanhmun  aṭang hian. (Kanhmun leh Damchera North Tripura hi khaw inzawm ang, langkai(sunai river) in a daidan mai ani a, in tlawhpawh tawn dun reng reng, nitin mamawh chak-khaite in bazar tawnna hmun ani), covid 19 positive hmuh chhuah hian a ti mangang bang bik chuang lo.

Assam a HAILAKANDI DISTRICT, COVID 19 POSITIVE awmna lah hi Kanhmun Bazar a rawn in pho ṭhin vai tam takte awmna hmun ani a, Chutih rual lah in, KANHMUN BAZAR hi MAMIT DISTRICT khua tam zawk ten chakkhai an rawn lam khawmna hmun, MAIN MARKET CENTRE OF MAMIT DISTRICT te pawh ti mah ila pa thu uar tak kan ni lem awm love.


Tun hripui leng karah hian Kanhmun khua  hian Task Force chu kan innghahna  pumhlum ani a, Khaw dangte tihdan ang bawk in VLTF hnuaiah hian ṭhalai mi inpe ten KAN KHUA, KANHMUN, MAMIT DISTRICT LEH ZORAM venna hna ṭhahnem ngai tak in chhun-zan zawm in thawh ani a, mahse,tunah chuan ṭhalai tam zawkte kan tlaivar ngun tawh em avangin KAN RILRU IN LA TLIN IN, KAN MIZO TLAWMNGAIHNA PAWN LA TLIN IN HUAM VIAU MAHSE; KAN TAKSA,THA LEH ZUNGTE HIAN HE VENHIMNA HNA kan kalpui mek hi a tlin zo lo mai ang tih a ven thawn awm ṭan ṭa ani.. *Chhantu kan ngai, puitu kan ngai* ti a han au chiam lah Mizo pa rilru aṭang chuan a chhuak thei mawlh si lova.


Ram ri ven ngai, Ram ri kan ru tur ven ngai, ruihhlo tawlh ruk tum ven ngai, zu leh ruihlo dang lut tur ven ngai, kan chhungkua ven ngai, kan khawtlang ven ngai, kan District ven ngai, kan Ram, MIZORAM ven ngai bawk, Hui ha hei ha!! Zopa thlunglu hi a buai ta nak mai le!!



Tiang reng a kan kal chuan kan rilru in tlin mahse,kan taksa hian a tlin lo thuai dawn si a, kan bul mai DAMCHERA(KATHUA OUTPOST) ah positive hmuh chhuah a nihna hian, kan chheh vel a awm hnamdangte: Tuikuk, vai leh a hrang hrangte kei ni ai in a ti ralkhel zawk bawk si a, MIZORAM AH TAKSA HIMNA, HRIPUI COVID 19 LAK A HIMNA, beisei leh duh vang in an rawn tlan lut ngei dawn hian a rinawm bawk si..Hui ha hei ha! 
Kei ni *Kanhmun TASK FORCE/ ṬHALAITE HIAN TUN HUNAH HIAN HAND SANITIZER/PPE/GLOVE /MASK ETC* tih vel lah kan nei hek lova, ZOPA TAKIN IPTEPUI LEH CHEMPUI NEN HE COVID 19 HI DO HNA KAN THAWK VE TAWP MAI ANI!! 

TUN HUN AH HIAN KEI NI KANHMUN ṬHALAI TAM ZAWKTE CHUAN DUHTHUSAM PAKHAT CHIAH KAN NEI A, *KAN BEIDAWNG CHHO MEK A*, MAHSE, *KAN DUHTHUSAM CHU ROBOT NIH A, 24 HOURS RAM RI VENG DUTY TUR A chakna neih hi a ni*...KAN TLIN LOH HUN A LO AWM IN , KANHMUN KALTLANG IN ASSAM EMAW TRIPURA AṬANGIN, HE NATNA HI ZORAM AH alo pun lun palh hlauh ang tih hi kan va hlauthawng em!!   

ZORAM LEH MIZOPUITE HE COVID 19 HRIPUI LAK AH HIAN LO HIM ZEL ANG CHE !! KEI NI Kanhmun mipuite erawh chuan kan him reng thei dawn em tih hi ka chiang ngam ta lo ani...Hand sanitizer/mask/Glove etc tal te hi chu (TASK FORCE te hian kan hman khawp mamawh han nei ve hram thei ni ila chu aw!! PPE LEH SIPAI zatel te chu beisei ngam lo mah ila,)..!

ROBOT NIH KAN VA CHAK EM ! ROBOT NI I LANG CHUAN SIPAI ZATEL PUIHNA TE LEH PPE DRESS TE, HAND SANITIZER, MASKTE LEH GLOVE te nei pha ve lo mah ila he covid 19 hi pangngai takin kan do ve thei dawn si a!!

- Lalbiaktlinga

(WhatsApp a darh angin kan dah a ni e.)

Post a Comment

0 Comments