Aizawl | April 6, 2020: Govt T Romana College Girls Hostel a awm zirlaite chuan an Hostel leh an College hualtu veng hrang hrang Local Task Force te hnenah hripui donaa a ṭul anga hman turin tangkafai an hlan.
Zirlaite sum thawhkhawm hi cheng 13,500 niin Republic veng, Upper Republic leh Republic Vengthlang Local task Force te hnenah cheng 4500 ṭheuh an hlan.
Zirlaite sum thawhkhawm chhan chu GTRC Girls Hostel warden Malsawmtluangi chuan, "thenkhat-ah chuan Kum tawp/session tawp a intihhlimna tur an khawl ti kha an ziak a, Kan tum dan ber ah chuan Home tlawhna tur a tana ti kan ni a, Kumtluan in kan Pocket Money atang ten Thla tin tlem tlem kan thawh a, tin, kartluan in Devotion hun kan hmang a, Sunday zan ah thawhlawm kan la khawm thin bawk" tiin sum an thawhkhawm dan leh an thawhkhawm chhan EXPLOREMIZORAM.COM a hrilh a.
"Nikum lamah pawh Home chu kan lo tlawh tawh a kumin kan tum dan pawh a ni a, Mahse, kan han sawi ho a tun hi a hun chiah zawk niin kan hre ta a ni." tiin GTRC Hostel Warden Malsawmtluangi chuan EXPLOREMIZORAM.COM a hrilh.
Zirlaite hian college campus tifai ten an in hlawh a, mimal thawh tur pawh hi an hunawl ah an in hlawhfa tang tang thin tih a sawi bawk.
Ram leh khawtlang himna leh damna tur atana hun leh tha thawhtu, an nun ngei thaptu Local Task Force tan an pawisa khawl hi an hlan a ni.
Post a Comment
He post chungchanga i ngaihdan lo sawi ve rawh: