Hmun dang rualin Mizoram-ah BJP dincham hmang

Aizawl | April 6, 2020: Vawiin April 6, 2020 (Thawhṭanni) hian BJP Mizoram President Pu Vanlalhmuaka chuan Bharatiya Janata Party din cham kum 40-na a nih angin State BJP Office ah BJP Flag a pawt pharh. Lockdown anih avangin he hun hi BJP Mizoram State President  chuan amahin  a hmang.

Pu Vanlalhmuaka chuan BJP Mizoram hmun hrang hranga awm te chu he ni pual hian duhsakna chibai bukin, he ni hriatrengna tur hian mahni in ṭheuh ah BJP Flag zar theuh tur in a chah a, India ram leh Khawvel hmun hrang hrang ah Covid-19 avangin hun khirh tak kan tawk mek a, BJP Mizoram a Member te chu Sorkar thuchhuah ngaipawimawh a, mahni in ah tawmim chhunzawm zel tur in a chah nawn a ni. BJP dincham Kum 40-na hriatrengna atan heng a hnuai a mi ang hian BJP Mizoram a Member te chu a chah bawk.

1. BJP dincham kum 40-na hriatreng nan BJP Workers zawng zawng te chu Novel Corona Virus hrileng dona tur atan leh kan Prime Minister kan Support na lanna turin Rs 100/- aia tlem lo chu Prime Minister Care Fund ah Mi 40 aia tlem lo hnen ah PM Care Fund a donation pe tur a hma la tur in.

2. Lockdown kalpui anih mek laia kan chhehvelah mi harsa zawk te, chhuanchham te an awm em tih thlithlai a tanpui turin.

3. Mahni awmna Unit/Booth Committee huam chhungah Covid19 dona kawnga thawktu, Police, Doctor, Nurse, Bank leh Post Office a thawk te, Civil Employee te bakah Health Department a thawk zawng zawngte kan Support na leh kan chhuanzia lantirnan kan chhehvel a mi te mi 40 tal hming ziak tir nise, a remchan dan anga Health Department ah emaw Police Station ah emaw thehluh ni se.

4. Lockdown kan hman zawh hunah kan awmna veng in tinah Face mask pahnih theuh pe tur a inbuatsaih tur in. ( Hei hi State Sorkar nen a thawh dun tur a ni ang.)

Pu Vanlalhmuaka chuan Covid19 avanga Mizoram pawn a tangkhang te tan BJP Mizoram chuan Central Sorkar leh BJP Central Office kal tlangin hma kan la in, theihtawp kan chhuah a, National BJP President kaihhruaina hnuai ah India ram State tinah Helpline dah ani a, harsatna engpawh kan nei anih chuan kan awmna state Helpline no ah phone tur in ka ngen che u a, kan awmna state ah kan phone tlang theilo a nih pawhin, BJP Mizoram  Pradesh Helpline Ph:7085055304 ah emaw BJP Mizoram hruaitu te hnena in report mai turin Pu Vanlalhmuaka chuan Media kaltlangin a ngen bawk a ni.

Mizoram mipuite vawiin BJP dinchampha anih angin, BJP Mizoram chuan kan ram leh hnam, kan sakhua leh culture humhim anih na turin BJP Mizoram Pradesh hi Mizoram tan kan awm a ni, a ti bawk.