Chak zawka COVID 19 do turin PM leh CM te inbia; Team khat anga state zawng zawng te nen kan thawk ho thei hi a ropui: PM

State leh Centre hian Lockdown zawh huna he natna hri a darh loh nan common exit strategy kan neih a ngai:PM

Kan tum ber chu nunna tlem thei ang ber chan a ni :PM

CM ten an hnathawh dan an hrilh bakah PM hova hmalakna te an dak a; Nizamuddin Market a thil thleng chungchang an chhuizui dan an sawi 

PM in CM tinte chu Community leader leh social welfare organization te be rawn tur leh ang khat veka hma an lak dan tur ngaihtuah turin a ti


Aizawl | April 2, 2020: Prime Minister Narendra Modi chuan vawiin khan Chief Minister zawng zawng te biain COVID 19 do kawnga an hmalak dan tur te a sawipui.

PM chuan state tinte chu Lockdown puan anih avanga an thlawpna avang leh COVID 19 darh zel tur venna atana an thawhhona ah te lawmthu a hrilh a. Khawvel thlirin he natna hri do kawngah hian hma ala eng lova chuvang chuan ram thenkhat ah chuan a rawn thlen nawn leh te an rin thu a hrilh.


Prime Minister chuan kan ramin a tum ber chu he natna hri leng avanga kan rama thi a tlem thei ber an awm hi a ni a ti a. Chuvang chuan tunkar chho atang chuan testing, a vei hriat bula awmte zawnchhuah, mahni in khunghrang leh quarantime te chu kan la tihtur pawimawh tak a ni a ti. Medical supply tul ang ang te a pawimawh thu sawiin damdawi siam tuten raw material a hmanrua an neih a pawimawh a ti a. COVID 19 vei awmna damdawi in ah damlo khung hrang tur a nih bakah damdawi te an neih a tul a ni a tiin PM chuan doctor a tam thei kan la mamawh thu a sawi a. State sawrkar te chu a tul phawt chuan AYUSH doctor te kovin leh online training buatsaih a, para medical staff, NCC leh NSS volunteer te chu an tangkaina anga chhawr tangkai turin a chah.
Prime Minister chuan Crisis Management Group district level a siam a tul thu leh District Surveillance Officer ruat turin a chah a. PM Garib Kalyan Yojana ruahmanna siam chhuah a nih dawn tak avangin bank a mipui pungkhawm an tam lutuk nan hmalak a ngaih thute a sawi bawk a ni.




PM chuan loneitute tan thlai chin hun a ni a, hei vang hian sawrkar chuan social distancing tibuai si lova ruahmanna an saima tul dawn  a ni a ti.

Chief Minister te chuan Prime Minister chu ram in harsatna a tawh mek laia a kaihhruaihna ah lawmthu an hrilh a. Huaisen taka Lockdown puan a nih avanga COVID 19 darh zel tur ven a nih dan te leh mipuite hnena inhrilhhriatna hrang hrang neih anih avang te in lawmthu an hrilh. Nizamuddin Markaz chungchang leh an hmalak dan te a sawi bakah he buaina sutkian nana an mamawh pawisa leh medical chungchang te an thleng a ni.

Chief Minister te rawtna hrang hrang avanga lawmthu a sawi hnuah Lockdown a zawh hnua common exit strategy siam a ngaih thu  a sawi a, heimi tur hian inrawnkhawmte lo nei tam turin Prime Minister chuan a chah bawk a ni. 

Union Defence Minister, Health Minister, Principal Secretary, Cabinet Secretary, Home Secretary , DG ICMR, ten Prime Minister hi an tawiawm a. Chief Minister te hi Home Minister, Health Minister, Chief Secretary, Home Secretary leh Health Secretary tinten an tawiawm thung a ni.

- PIB Aizawl

Post a Comment

He post chungchanga i ngaihdan lo sawi ve rawh:

Previous Post Next Post