Zanlai atangin India ram pumah ni 21 chhung total lockdown nei dawn

Aizawl | March 24, 2020: India Prime minister Narendra Modi chuan zanin zanlai atangin ni 21 chhung ram pumah total lockdown / complete lockdown neih a nih tur thu a puang.


India Prime minister chuan, Janata curfew neih tawhah mipui thawlpanah lawmthu sawiin, Social distancing hi mi tin tan a nih thu a sawi a. Janata Curfew aia khauh zawk curfew turin, Lockdown hi ni 21 chhung neih a nih dawn thu a sawi.

PM chuan, "Covid 19 darh tur venna atan he hun hi a pawimawh hle dawn a,   coronavirus natna hri tam tak a rem hman ngei dawn a," a ti.

PM chuan, "Ni hnih chhung lock-down kan nei tawh a, state sorkar-te pawh khauh tura hriattir an ni a, a tawng tawhte atangin a pawimawh zia kan hria a ni. Zanin zanlai atangin ram pumah “complete lockdown” neih tur a ni a, India ram, nangmah leh i chhungte chhan turin mahni in chhuahsan loh tur a ni, chhuah khap tlat a ni dawn a, state leh UT, district leh khua leh khawtlang zawng zawngah lockdown neih tur a ni a" a ti bawk.

"India mi tin leh i nun chhan nan, i awmnaah awmin, ram lockdown ni 21 chhung hi zawm turin kutsuih meuhin ka ngen che u a ni," a ti bawk.

"He ni 21 hi  i ngaihpawimawh loh chuan kum 21 in ram a khawtlai dawn a ni, a ti bawk.


Post a Comment

He post chungchanga i ngaihdan lo sawi ve rawh:

Previous Post Next Post