Project Pushpak in kawng siamnan Plastic hmang chhin

Aizawl | March 3, 2020: Project Pushpak chuan Mizoram Sawrkar in plastic hnawmhnawk leh bawlhlawh tihralna kawnga bawlhlawh sawngbawlna a ngaihpawimawh hnungzuiin tunhnai khan an kawng siam pakhata, a vawikhatna atan kawng siamnaah plastic hnawmhnawk an hmang chhin.


Project Pushpak chuan Hnahthial-Sangau-Siaha Road an siam mekah stretch thenkhata plastic waste, a vawi khatna atan an hmang. Waste plastic sin te te a tihsawm chu degree 160 Centigrade a chhuangso in, hei hi an kawng siam nan an hmang a. Project Pushpak hotute sawi dawnin alkatra a luan kawng aiin hetiang plastic luan kawng hi a tlo theiin sik leh sa a ngam zawkin motor tan pawh tlan a nuam zawk niin an sawi.

Hei bakah hian Kawlchaw-Phura-Tongkolong Road ah lei tihngheh/sawhngeh nan soil stabilization atan biological enzyme an hmang a, chutiang bawkin Zawngling-Mawhre-Chapi Road a soil stabilization atan cement leh admixture an hmang bawk a ni.

Project Pushpak hian kum 50 chuang Mizoram hmun hrang hranga kawng sial, siam leh enkawl hna an lo thawk tawh a, tunah pawh Mizorama kawng engemaw zat enkawl lai mek an nei a ni.

- DIPR

Post a Comment

He post chungchanga i ngaihdan lo sawi ve rawh:

Previous Post Next Post