Aizawl | March 3, 2020: Young Mizo Association (YMA) Khatla Branch chuan zanin khan Central YMA Hall, Tuikhuahtlang-ah YMA kumpuan 'Zirna Uar' hawnna hun leh Hruaitu intuaitharna hun an hmang a, he hun hi Central YMA vice president Lalhmachhuana chuan a hmanpui.
Kumpuan hawngtu leh thusawitu Lalhmachhuana chuan,
"Zofate hian Ruihhlo a buai hman lo khawpa Thiamna finna lamah tan kan lak a tul," a ti a. "Zirna hi hmasawnna bul a ni a. Chuvangin Kristian missionary ten zirna hmangin eng min rawn chhitsak hi a hlu a. Phur takin Kan chhehvel ami te hmasawnna el pha turin tan ila ang u, a ti.
Lalhmachhuana chuan sawi chhunzawmin, "Zirna uar ah hian Lehkha zir chauh ni lovin Eizawnna tling khawp thiamna kan zir chhuah a tul a, Kut thlemthiamna lam pawh kan hrut tel a tul ani," a ti bawk.
He hunah hian Khatla Br YMA hnuaia hruaitu 200 vel an kal khawm a. Leadership training neih nghal a ni a, Khatla Branch YMA Finance secretary K Lalnunsanga'n hruaitute infuih tharna tur thu a sawi bawk.
Post a Comment
He post chungchanga i ngaihdan lo sawi ve rawh: