Mipuite hnenah he natna do dan hrilh zel turin a ngen
Social Distancing pawimawhna hrilh zel turin a chah
New Delhi | March 24, 2020: Vawiin khan Prime Minister Narendra Modi an ramchhunga journalist leh stakeholder te video conferencing kaltlangin a kawm. Journalist 20 chuang a kawm te hi ram chhung hmun hrang hrang a mi te niin, tawng hrang 11 a chanchinbu tichhuak journalist te an ni.
Prime Minister kan ram in harsatna a tawh mek laia media mi te inpekna chu fakawm a tih thu a sawi a. Media network te hi ram chhung mi zawng zawng thleng phak an nih avangin an pawimawh em em a ni a ti.
PM chuan chanchinbu hian thubelh chian dawl mipui tam zawk hnenah a thlen a, hei vang hian a pawimawh a ni anti a. Coronavirus chungchang inhrilhriatna te uar taka an thehdarh a ngai a ni a ti a. Mipui te chu testing centre, test la tura hrilhhriat leh kn enkawl dan thlenga hrilh nawn an ngai a ni a ti a. Lockdown laia nitin mamawh a harsat loh tur thu te hrilh an ngaih thu a sawi.
National leh regional level ah mipui leh sawrkar inkara awm turin a ngen a. Prime Minister hian social distancing te, sawrkar hmalakna leh lockdown chungchang te uar taka chhuah zel turin a ngen a ni.
PM chuan sawrkar hmalakna te mipui hnena hrilh ngun tura a chah bakah COVID 19 dona kawnga mipuite ti mangang thei zawng chhuah lo turin a ngen a ni.
Journalist leh stakeholder te chuan Prime Minister hnathawh leh inpekna te chu an fak a. Prime Minister chu hma hruaitu a nih anga he natna do kawnga a tha lam te chu uar zawka an chhuah tur thu an sawi.Print Media te a ngaih pawimawh avangin lawmthu an hrilh a mipuite nen an tanho tur thu an sawi bawk.
Mi harsa zawk te tanpui tur leh kan ran himna tura thawkho vek turin PM hian a sawm nawn a ni.
Secretary, Ministry of Health &Family Welfare chuan journalist te inpekna hi a fak a.Thu dik tawk lo chhuah lo turin a sawm nawn leh bawk a ni.
- PIB New Delhi/Aizawl
Post a Comment
He post chungchanga i ngaihdan lo sawi ve rawh: