PCI 44TH BIENNIAL GENERAL ASSEMBLY THULH RIH

Shillong | March 23, 2020: India Hmarchhaka Kohhran lian ber, The Presbyterian Church of India rorelna sang ber PCI General Assembly inkhawmpui lian April ni 29 atanga May ni 3, 2020 thleng Umroi Presbyterian Church, Ri Bhoi Synod, Meghalaya a awm tur chu thu leh awm hma chu thulh rih a ni.

Shillong-a PCI General Assembly Senior Administrative Secretary Rev GS Lyttan in Synod hrang hranga Executive Secretary-te lehkha a thawnaah chuan sawrkarin COVID-19 laka invenna tur thuchhuah chi hrang hrang a siamte hre rengin leh kan boruakin chhiat lam a pan zel ngaihtuah pah bawkin Mizoram Synod leh KJP Synod Sepngi ten 44th Biennial Generel Assembly chu la sawn hrih mai tura an rawn ngen angin March ni 23, 2020 khan Emergent Working Committee neih a ni a chutah chuan General Assembly hi la thulh rih turin a rel a ni tih a tarlang.


He 44th Biennial General Assembly mai bakah hian PCI General Assembly, PYF leh PWF hnuaia Committee hrang hrangte meeting leh inkhawpui te pawh la thulh hrih tur a ni bawk.

General Assembly a la awm dawn si loh avangin Office Bearers ni mekte, Senior Administrative Secretary, Assembly ruat Committee members te chu General Assembly awm hma zawng an hna theuh an la chhunzawm anga, ruat thar ten General Assembly zawhah an hna an zawm chauh ang.

PCI General Assembly hnuaia Synod hrang hrangte chu sawrkarin COVID-19 chungchanga thuchhuah a siam reng reng ngaih pawimawha zawm theuh tura mahni member-te theuh hriattirna a tul ang zela siam tur.

Synod hrang hrangte chu an hun tam zawk Pathian biakna a hmang tur leh bang lova Pathian hnena damlo te leh mitin  tana tawngtaina nei tura hriattir tur.

Post a Comment

0 Comments