Aizawl | March 24, 2020: Mizoram Governor chuan nitin mamawh bungrua (essential goods leh commodities) phurhna, sem darhna leh chhekkhawlna kawnga hnathawk te nawrh a khap.
Governor hian The Mizoram Essential Services Maintenance Act, 1990 bung 3(1) leh The Mizoram Essential Services Maintenance (Amendment) Act, 1995 -in thuneihna a pek angin nawrh hi a khap a ni.
Nawrh khapna thupek hi niminah Home Department in a tichhuak a. He thupek chhuah hma emaw chhuah hnu emawa Essential Commodities kaihhnawiha hnathawktu nuar an awm chuan dan bawhchhiatna niin dan angin hrem an ni dawn a, He thupek hi nimin atangin thla ruk chhung atan hman tur a ni.
The Mizoram Essential Services Maintenance (Amendment) Act, 1995 hnuaia sub-section(b)(vii) Section 2 chuan Food Corporation of India, Indian Oil Corporation, Hindustan Oil Corporation, Oil India Corporation Limited leh Bharat Petroleum Limited te hi mipui mamawh tul essential services ah a chhiar tel a ni.
- DIPR
Post a Comment
He post chungchanga i ngaihdan lo sawi ve rawh: