MZP in Zoram Ni urlawk; Zoram Ni pual poem pakhatna 'Eng an kher nge?'

Aizawl | March 4, 2020: Mizo Zirlai Pawl (MZP) general headquarters chuan zanin khan Zoram Ni urlawkna hun an hmang a, MZP adviser C Lalrokhuma hnen aṭangin Zoram Ni thuchah ngaithlain Zoram Ni pual documentary video an thlir ho.

He hunah hian Zoram Ni puala Poem inphuahsiak an buatsaih chu puangin H Lalduhzuala, P&E Veng Serchhip phuah 'Eng an kher nge?' chu pakhatna a ni a.

Pahnihnaah Suihlung i rual ang' - Matluanga ralte, Saron veng Aizawl phuah niin, 'Thih sual kan ram ser'  Lalhmachhuana Dawrveng, Bilkhawthlir phuah chu pathumna a ni.

MZP Zoram Ni pual Peotry inphuahsiakah hian poem 140 chuang a lut a, lawmman pakhatna hian cheng 10,000 dawngin, pahnihna hi cheng 7000 a dawng a, pathumna hian cheng 5000 a dawng dawn a ni.

Lawmman hi naktuk a Chanmari YMA Hall, Aizawl a Zoram Ni serhnaah hlan an ni dawn a ni.

Post a Comment

0 Comments