MUP Lungeli Assembly hmang; Upa te hi hnam rohlu in ni - RK Lallianthaga

Aizawl | March 4, 2020: Mizo Upa Pawl, Headquarters Lunglei Assembly Vawi 46-na chu vawiin khan Convention Centre, Lunglei- ah  hman a nia, Mizoram Science & Technology Chief scientific officer Dr RK Lallianthanga'n khuallian niin a hmanpui.


Khuallian RK Lallianthanga chuan Lunglei hi zirna, hriselna, faina leh kawng dang dang ah hma a sawn hle a, Upa te pawh faina, hriselna ngaipawimawha, inpumkhatna tha tak nei hmasawn zel turin a chah a ni. Upa te hi hnam rohlu in ni a, khawtlang leh ram tan pawimawhna in nei a , thurawn pek ngaihna ah thurawn pe turin a duh ani. Upa te hian tawn hriat in ngah a, naupang zawk te finchhuah theuh turin leh ram leh hnam tan thurawn petu ni theuh turin a duh thu leh, nakin zela thalai te tana tangkai tur, an tawn hriat te ziak a dah turin a duh thu a sawi a. Tunlai thalai ten technology chhuak thar an hman te ning mai lovin in zir fin tum turin a chah bawk a ni. 



Dr RK Lallianthanga hian Lunglei MUP member 30 te tan Berawtlang, Aizawl a Science Centre fan theihna tur a buatsaihsak dawn thu a sawi.

MUP Assembly inkhawm hi MUP, Hqrs, Lunglei president B Lalchungnunga,  in kaihhruaiin, Mizo Upa Pawl, Hqrs, Lunglei ah Unit 133 awmin, member 10,076 an awm a, nikkum leh kumin chhungin member 329 boralin, kum 100 tling 7 an la dam thu tarlan ani. Chawhnu ah rorelna an nei nghal bawk.

Post a Comment

0 Comments