MSU leh MSSSB in inremna siam; MSSSB chu Zoram thalai hna zawng mekte tan a function vat a tul - MSU

Aizawl | March 13, 2020: Mizo Students Union(MSU) General Headquarters, Aizawl chuan Mizoram Subordinate Service Selection Board (MSSSB) Chairman atana Politics a inhnamhnawihna nei nia hriat an ruat chungchangah Mizoram thalai leh zirlaite thlavang a hauh tlat a. Hemi chungchanga hmalakna kalzelah vawiin chawhma dar 10 khan MSU leh MSSSB thuneitute inbiain, MSU chuan MSSSB chu Zoram thalai hna zawng mekte tan a function vat tul a tih avangin inremna ziakin MSSSB chu politics a inchirhthehna lak ata a fihlim zel theih nan  enzui reng an tum niin MSU thuchhuah chuan a tarlang.



MSU leh MSSSB inremna chu, "Mizoram Subordinate Service Selection Board(MSSSB) hi sawrkarin a din ang ngeiin post hnawhkhah tur te, Promotion Case ngaihtuah tura a ruat chungchangah te dan leh hrai (Rules &Regulations) hi strict taka kengkawh turin hna a thawk zel ang.

MSSSB hnuai Post ruak hnawhkhah tur reng reng chu felfai takin Advertisement chhuah a ni anga,Danin a phut angin takin exam a buatsaih thin ang.Written result felfai takin a ti chhuak thin ang.Mizoram sawrkarin MSSSB hnuaia hnalak hrang hrangte inkaihhruaina dan a siam ( Guidelines for conduct of Examination ) chu tha taka zawm a niin written mark zat leh interview mark weightage ( 87.5 : 12.5) chu felfai taka tarlangin inyerview mark (40-80) chu dik takin a keng tlang ang. Hnalak chungchang ah hian danij a phal ang zelin RTI hmanga pho chhuah leh entheih rengin engkim felfai takin a kalpui ang.

MSSSB chuan tha tak leh felfai taka hnalak a kalpui theihnan MSU chu thawhpui a inhuam reng a. Thilfel lo leh dik lo a awm a nih chuan MSU nen a tul angin Mizoram thalai leh zirlaite tan hma kan la ho zel dawn a ni." tiin MSSSB Chairman Pu Lalrammawia leh MSU President Tv. Vanlalliana Khiangte te'n hming an ziah hnan a ni.

MSU chuan Mizo thalai hna zawng mekte leh zirlaite chu MSSSB hnalak tur chungchanga  induhsak bikna awm thei thil hrang hranga hlauthawnna awm chu dah bo tur leh theihtawp chhuah a kan Ram leh Hnam tan thiamna paw chhuak turin a chah a. Thil felhlel leh lungawilohna a awm anih chuan MSU chu zirlaite tan a ding zel dawn a ni, tiin an pawl thuchhuah chuan a tarlang.

Post a Comment

0 Comments