Aizawl | March 31, 2020: Mizoram Industry's Owner Association (MIOA) chuan vawiin khan Covid-19 hrileng avanga Aizawl khawpui veng hrang hranga duty, Local Level Task Force (LLTF) leh Hospital thenkhatte tan tui thianghlim in tur (package water bottle) leh Thingpuife an mahni siam chhuah an sem.
Semchhuahna Inkhawm tawi Aizawl Temple Square-a neih hi MIOA President F Rodingliana'n a kaihruaia. Bethel Ministry Speaker Federick Lalrindika'n Pathian hnena hlanna leh Malsawmna hun a hmang.
MIOA President F.Rodingliana chuan tun hnaiah tui thianghlim lei tur a van em em laia, harsa tak chunga sem tur an hmu thei chu an member tui siam chhuak tute chungah lawmthu a sawi a. An member dang, sum leh tha thawh tute inpek naah lawmthu a sawi bawk.
Mizoram Industry neitute'n vawiin-a tui thianghlim in tur an sem hi Package (box) 1040 niin, Aizawl khawpui veng hrang hranga LLTF duty post 63-ah leh hospital pathum, Zoram Medical College, Presbyterian Hospital, Durtlang bakah Aizawl Civil Hospital ah te an sem a. Thingpuife engemawzat an sem tel bawk.
Heng an thil sem te hi Rs.1,50,000/- man hu vel a ni.
Post a Comment
He post chungchanga i ngaihdan lo sawi ve rawh: