Hrileng ṭaidarh tur venna kawngah Thenzawl Task Force in theihtawp an chhuah chhunzawm

Thenzawl | March 30, 2020: Hrileng mek ṭaidarh tur venna kawngah Thenzawl Town Task Force Committee on Covid-19 chuan tha thlah lovin theihtawp an chhuah chhunzawm mek zel a. Vawiin aṭang khan State Bank of India leh Mizoram Rural Bank, Thenzawl Branch te chu mipui dawr theihin an inhawng a. Task Force Committee ruahmanna fel tak hnuaiah mipui ten Bank hi an dawr a, Bank hnathawk ten harsatna an tawk lova, mipui ten Lock down chhunga inkaihhruaina an zawm thiam sawt hle.

Vawiin aṭang khan Thenzawl Retailer ten Supply Kudam aṭangin mipui hnena sem tur Buhfai, ration (quota) an la chhuak ṭan a. Retailer te hian an lakchhuah zawh vek hun, tunkar Ningani zing aṭangin, a rualin an semchhuak dawn niin Retailer kan biakte chuan an sawi.

Retailer ten Buhfai semnaa an hman tur Hmaituamna  leh kutkawr engemawzat chu Bialtu MLA Pu Lalduhoma leh Pu Andrewa (Thangzuala Hardware), Field Veng hnen aṭanga an dawn aṭangin Thenzawl Town Task Force Committee te chuan vawiin khan Retailer te hnenah an sem/pe.

Hrileng mek ṭaidarh tur venna kawngah Thenzawl Town Task Force Committee on Covid-19 chuan tha thlah lovin theihtawp an chhuah chhunzawm mek zel a. Vawiin aṭang khan State Bank of India leh Mizoram Rural Bank, Thenzawl Branch te chu mipui dawr theihin an inhawng a. Task Force Committee ruahmanna fel tak hnuaiah mipui ten Bank hi an dawr a, Bank hnathawk ten harsatna an tawk lova, mipui ten Lock down chhunga inkaihhruaina an zawm thiam sawt hle.

Hetihlai hian, Thenzawl Town Task Force Committee chuan, Thenzawl khaw ṭhenawm aṭanga Thenzawla eibar, nitin mamawh a hlawma la ṭhin ten Task Force Committee hruaitute be hmasa turin an ngen a. Mizo khua ṭheuh, a ṭul hun pur inchaw tawn tur kan nih avangin, Thenzawl Task Force Committee chuan khaw ṭhenawm ten an khuaa dawr bungrua an la ṭhin chu ṭha takin an lo dawngsawng zel dawn tih an sawirualin, tualchhung mipui mamawh dan zulzui zela Dawr neitu ten an pekchhuah a ṭul chang leh Task Force lam ten tualchhung dawr neite bungrua leh eitur zawrh te control an nei thei tih hria a, an duh anga pur an chawk theih loh palh a awm pawhin, hrethiam tur leh a theih chen chenah an khaw ṭhenawmte tan an inhawng reng tih hria se an duh thu Thenzawl Town Task Force Committee Chairman Pu R. Lalramnghaka chuan Vantawng a hrilh.

 Vawiin chawhnu dar 1:30 vel khan Thenzawl Kanan Veng, Phaipui kawr aṭanga ram kang chuan Thenzawl Forest Division, DFO Office thlang mual ṭin 10 chuang vel zet hmun, ram chu a kang a. He kangmei chhuak hian  Pu Lal Thanhawla Ex. Chief Minister ram a In pathum chu a kang hman ṭep a, mi tlawmngai punkhawm ten in kang tur hi veng hmanin, ram kang hi an ṭhelh hman hram a ni. In pakhat phei chu an Pardah zar bakah, thawmhnaw zar tlem a kang hman a, Puanbu* pakhat chu siam(hleh) ngaiin a kang hman bawk. Pawnchhuah khap lai anih vangin in neitute In a an awm lai a ni a, mi tlawmngai pungkhawm te nen In kang tur hi tui hmang te in an veng thei hram a ni.
     *Ram kan chhan hi hriat chian ni lo mahse, tute emaw ramchhuak hal luih ngei nia rin anih thu dawn a ni*.

- Liantluanga Renthlei, Editor, Vantawng

Post a Comment

He post chungchanga i ngaihdan lo sawi ve rawh:

Previous Post Next Post