Aizawl | March 18, 2020: Tunlaia khawvel ram hrang hranga hri leng hlauhawm tak, mi tam tak nunna latu leh Mizo mipuite pawh min tithlabar em em tu Corona virus, or Covid19 vangin Mizoram-ah pawh ei leh in mamawh bakah, invenna kan neih chhun medical/surgical mask leh hand sanitizer indaih lohna a pung zel a. Chumi chu hriaiin Women's Polytechnic Aizawl a Department of Garment Technology leh Beauty Culture and Cosmetology zirlaite chuan Mizo mipuite mamawh tur mask leh hand sanitizer an siam mek.
Women's Polytechnic Aizawl zirlaite chuan heng an thil siam eng emaw zat hi hralh chhuah theih tura an buatsaih theih thuai beisei a ni.
Women's Polytechnic Aizawl-ah hian course hrang hrang zir tur, Modern Office Practice (MOP), Electronic and Telecommunication Engineering (ET), Garment Technology (GT), Beauty Culture and Cosmetology (BCC)-te awmin technical skills hrang hrang an zir ṭhin.
Tuna Mask leh hand sanitizer an siam mai bakah hian BCC final year zirlaite'n Beauty salon an hawngin, GT final year zirlaite'n Thangchhuah kawr pawh order theih turin an ṭhui mêk zel a ni.
An va chhuanawm ve
ReplyDeleteA va ropui em....ka chhuang cheu
ReplyDeletePost a Comment
He post chungchanga i ngaihdan lo sawi ve rawh: