COVID 19 | State Sorkar tanpui turin BJP Mizoram Pradesh chu a in ralring reng - Vanlalhmuaka

Aizawl | March 21, 2020: BJP Mizoram Pradesh president Vanlalhmuaka chuan nimin khan thutharthehdarhtute kawmin, Covid 19 vanga BJP Mizoram thiltih hranghrang tihtawp lailawk a nih tur thu leh hemi atana State Sorkar tanpui turin BJP Mizoram Pradesh chu a in ralring reng thu a sawi.


BJP Mizoram president Vanlalhmuaka chuan, "He Covid-19 avang hian tumah chiai lo tur leh mahni mamawh bak tumah thil chheprelh lo turin BJP Mizoram Pradesh chuan kan ngen a. Kan Prime Minister zahawm takin a sawi angin India rama Covid-19 avangin ei leh barah, chaw ah harsatna a awm lovang. Kan ram economy pawhin Covid-19 avanga a tawrh loh nan leh chutiang kawnga hmalak a nih theih nan COVID-19 Economic Response Task Force Union Finance Minister kaihhruaina hnuaiah siam a ni a; Kan State pawhin ei leh bar- ah harsatna kan tawk dawn a nih chuan he Econmic Response Task force hi kan nghen thiam a tul hle dawn a. Chumi atana chuan State Sorkar tanpui turin BJP Mizoram Pradesh chu a in ralring reng a. Medical and health facility lamah State in puih a ngaihna apiang a lo tanpui turin Union Health Minister Harsh Vardhan, leh ei leh bar lamah harsatna kan  tawh thut palh taka kan State sorkarin puihna a dil ang anga lo tanpui turin Union Finance Minster Nirmala Sitharaman leh DoNER Minister & PMO i/c Dr Jitendra Singh hnenah  BJP Mizoram Pradesh chuan vawiin hian Central sorkarah lehkha kan thawn bawk a. Chuvang chuan kan State Sorkar pawh Central BJP sorkarah khuan inthlahrung lo turin Media kaltlangin  kan han hriattir a ni e." a ti.


Vanlalhmuaka chuan, "BJP chuan Covid-19 in laka kan ram leh hnam kan lo him zawk theih nan Mizoram chhunga party anga kan chet lakna zawng zawng Unit Committee, Block Committee, District Committee leh State Office  thlengin State Office atanga thu chhuah dang  siam a nih hma chu chawlhsan vek turin March 20, 2020 hian Media kaltlangin kan inhriattir leh a ni. Hetih rual hian BJP worker tin te mahni awmna hmun theuhah Covid-19 hri leng mek dona kawngah a tulna apiangah in volunteer thei tura inralring vek tur leh he hrileng dona kawnga thawktu zawng zawngte sorkar lam atang leh NGO a bikin YMA lama thawktu zawng zawngte mahni awmna hmun apiangah a tul dan ang zela tawiawm turin BJP- Mizoram Pradesh a ka thawhpui zawng zawngte Media kaltlangin kan inhriattir a ni," a ti a.


19th March,2020 zan dar 8:00 a kan Prime Minister zahawm tak Pu Narendra Modi-in Covid-19 hrileng dona kawnga India ram mipuite hnenah a thuchahte :–

1)  Kan hma hun rei lo te midangte nen a intlawh pawh lova, inchhunga awm tam tur a min ngenna te leh thil tul bik loh theih loh ah chauh loh chuan mahni in atanga pen chhuak lo turin.
 2)  Kum 60 chung lam pawn chhuah lo tur.
 3) Hospital routine check up leh surgery hmabak te pawh postponed rih tur leh hospital tlawh lo hram tura ngenna.
4) Covid-19 chungchanga thudik lo thehdarh lo tura ngenna.
5) March 22, 2020 zing dar 7:00 a.m – Zan dar 9:00 p.m  chhung tumah pawn chhuak lova, Mipui Curfew chu thu awih taka chhhungkaw tinte zawm tura min ngenna te leh hemi ni tlai lam 5:00 pm ah Covid- 19 dona kawnga thawktu heng Doctor te, Nurse te, Paramedical lam mite, armed forces lam te, Airport Staff te, Media lam te leh keini Mizoram ah chuan NGO a bikin kan YMA te inpekna zahna entirna leh an chunga lawmthu sawi nan minute 5 mahni in tukverh leh balcony atanga lantir tura min sawmna te, he 22nd March,2020 Mipui Curfew hi a tak a hman a nih theih nan State Sorkar pawhin a theih ang angin hma la se, tia kan PM in ngenna a siamte hi COVID19 lakah rampum kan him theihna atan zawm theuh turin BJP Mizoram Pradesh chuan kan Prime Minister zahawm takin ngenna a siam chu Media kaltlangin kan rawn tuihnih a ni.


Sawi chhunzawmin Mizoram BJP president chuan, "Prime minister Narendra Modi sorkar chuan mipuiten awlsam tak a mahni in atanga he natna chungchanga an harsatna te an thlen theih nan “MyGov Corona Helpdesk’ siam ani a, WhatsApp No. 9013151515 ah hian ‘Hi’ tiin kan thawn anga, kan harsatna leh zawh duh kan neih te kan zawt thei dawn bawk a ni. Tun hun hi India mipuite kan inpumkhat hun, hmelma pakhat bei a kan tanrual hun a ni tih hria in, mitin in kan chhehvel a mite tan a harsatna siamtu ni lova, he natna do a, a invenna lam ngaipawimawh turin Zoram mipuite kan inngen nawn leh a ni," a ti.

Post a Comment

0 Comments