COVID 19 | Sailam khua tlawhpawh theih dawn lo

Aizawl | March 21, 2020: Sailam Khua chuan Covid 19 laka invenna atan zanin dar 12 aṭangin an khua chu tuma tlawhpawh theih loh turin an dah dawn.

Sailam khua chuan an khaw kawngah lehkha tarin, "Covid 19 hri leng vangin SAILAM khua chu tlawh theih kan ninrih lo a. In hriatthiamna kan ngen e," tiin an ziak.

Hemi chungchanga zawhna chhangin Sailam VCP Zohmingsiama chuan, " Local Task Force in a rel angin Zanin aṭanga April 15 thleng chu an khua chu tuma tlawhpawh theih loh turin kan inkhar dawn," tiin exploremizoram.com a hrilh.

Sailam VCP chuan sawi chhunzawmin, "he hmalakna avang hian khaw mipui mamawh tur Buhfai chu VC in kan lei lawk a, Buhfai ber a awm chuan thil dang chu tihdan a awm chho mai turah kan ngai," a ti a. Khawtlang mipuiin an thlawp ṭhat thu leh mipui him nana ti an nih thu a sawi bawk.

 

"Sawrkar thu leh hla ngaichang chungin hma kan la zel dawn," a ti a. Sawrkar ngaichang chunga hma an lak tur thu leh a ṭul chuan an lo ruahman tawh aia hmain an inhungbingna an hlip theih thu a sawi tel bawk.


Post a Comment

2 Comments

He post chungchanga i ngaihdan lo sawi ve rawh: