COVID 19 | Mipui him zawk dan state pum-ah mipui mimir chhuah khap, dawr khar a ni dawn; Lirthei tlan phal lo

Aizawl | March 21, 2020: State Level Task Force on Mitigation of Coronavirus (COVID-19) meeting vawiina neih-in a rawt ang leh Mizoram Council of Ministers-in  thuthlukna a siam angin Mizoram Sorkar chuan “The Mizoram Epidemic Diseases  (COVID-19) Regulations, 2020”-in thuneihna a pek hmangin COVID-19 laka  Mizoram mipuite him zawk nan khar khat chhung state pum-ah mipui mimir chhuah khap a ni a, dawr khar a ni dawn a, Lirthei eng chi mah tlan phal a ni lo.

Naktuk atanga March 29 chhung hian Mizoram mipuite himna atana sawrkar thupek angin Lirthei tlan phal a ni lova, dawr zawng zawng khar vek a ni dawn.


Mipui mamawh (essential commodities leh essential services) buaipuitute leh  medical duty te tiam lovin tual lai ah mipui mimir chhuah khap a ni.


 

COVID-19 Mizorama a lo darh ve lohna tur atan naktuk atanga March 29 thleng damdawi dawr leh nitin mamawh (essential  commodities) dawr tiam lovin dawr zawng zawng khar vek tur a ni.

Public Transport (City Bus, Sumo, Taxi, Night Bus leh a dangte) service zawng  zawng ni naktuk atanga March 29 thleng tih tawp vek  tur a ni. Private vehicle (4 wheeler leh 2 wheeler) pawh tlan chhuah phal a ni lo.  

Hei hian Ambulance, Fire Service, dan leh thupek kawnga hman lirthei te, accredited journalist leh electronic media-te lirthei leh COVID-19 dona kawnga hman lirthei leh nitin mamawh (essential commodities leh essential services) phurtu leh mipui mamawh enkawlna tura sorkar hnathawk phurtu lirtheite a huam lovang.

State dang leh ramdang atanga Mizoram lo luhna kawng zawng zawng khar tur  a ni a, hei hian essential commodities phurte leh medical emergency a motor / ambulance tlante a huam lovang.




Post a Comment

0 Comments