Aizawl | March 17, 2020: BJP Mizoram chuan March 20 a State Executive Meeting neih tur a ruahmanna a lo siam tawh chu COVID 19 avanga Sorkar leh NGO ten puipunna lam chi reng reng tih loh nise a tih avangin tiamchin awm lovin an ṭhulh.
BJP chuan he meeting telpui tur a sawm BJP National General Secretary Ram Madhav, North East Zonal General Secretary Ajay Jamwal, leh Union Minister Of State For Food Processing Rameshwar Teli te chu BJP Mara Autonomous District Council Sorkar thar lawmna hun hmang nghal tur a ruahman a ni tawh nghe nghe a, mahse he hrileng mek avang hian he hun pawh hi tiamchin awm lova ṭhulh a ni leh ta a ni.
COVID 19 avang hian BJP Mizoram Pradesh chuan ruahmanna dang alo siam tawh, 25th March thla ral hma a District hrang hrang tlawh leh Block Conference neih tur pawh an ṭhulh a, Block Conference ah hian Union Budget zirhona leh inhrilhfiahna neih an tum a ni.
Post a Comment
He post chungchanga i ngaihdan lo sawi ve rawh: