ZORO thalai Zo-Hnam inpumkhatna leh insuihkhawmna atana hma la turin Kohhran hrang hrang ngen

Aizawl | February 10, 2020: ZORO thalai chuan executive meeting-a an lo rel tawh, ‘Zohnam inpumkhatna leh insuihkawmna chungchangah Mizoram kohhran hrang hrang te hnenah Zo-Hnam inpumkhatna leh insuihkhawmna atana hma la turin ziaka ngenna thlen nise,’ti a, a lo rel tawh chu bawhzui a ni a. Vawiin 10th February 2020 hian Mizoram Kohhran hrang hrang hruaitute hmuh an ni a, lehkha pek nghal a ni bawk a ni.

ZORO thalai in kohhran hrang hrang lehkha a pek a hetiang hian ziah a ni.“ZORO (Zo Reunification Organisation) hi Political Party a ni lo a, ZORO (Zo Reunification Organisation) in a thil tum chu Zofa khawvel hmun hrang hranga awm te rorelna pakhat hnuaia awm a ni a. Tin, khawvel hmun hrang hranga awm Zofate kan inpumkhatna tur leh kan insuihkhawm theihna tur kawng awm thei apianga hmalak leh chumi kawnga rilru zau tak put leh Zofa chipeng hrang hrang hnam ziarang leh thilte a theih ang anga humhalh leh chawisan hi a tum a ni. Ramri leh khawsak phung lo dang ta avanga mahni unau, mahni chi pui te ngei pawh inhre tawn tawh lo te, unau hmelhai a lo awm tawh te huikhawm a thlahkhat unau kan nih zia hriattir zel hi a tum bawk a ni. Kan awmna hmun a lo in ang lo a, kan tawng hman te pawh a lo dang ta a, tawng a in an loh avanga unau hmel kan inhai thin hi a pawi kan ti hle a, tawng a in an loh avanga unau kan nihna bo ta a ni lo a, kan tawng hman hi in ang lo mahse chung Pathian ruatsa, thisen a inzawm, unau thlah khat vek kan nihzia hriattir zel kan tum a ni.ZORO Thalai Committee Meeting chuan ngun takin a ngaihtuah a, Mizoram chhunga kohhran hrang hrang te hi rawng kan bawlna kawngah leh kan Missionary te kaltlangin leh ramthim rawngbawlna lama kan school siam te hi Zo-Hnam impumkhatna leh Insuihkhawmna atana campaign na tura tangkai ber pawl a ngaih a ni a. ZORO in kan thiltum leh kan duhdan te hre reng chunga in kohhran in a remchan dan ang anga hma min lo laksak a, kan thiltum te atul anga min lo puanzar sakin, atul anga min lo bawhzui sak turin kan ngen che u a ni.”tiin ziak a ni.

Post a Comment

0 Comments