Account thar hawn belh turin harsatna kan tawk - Mizoram Rural Bank chairman

Aizawl | February 10, 2020: Reserve Bank of India buatsaih Financial Literacy Week a thusawitu Mizoram Rural Bank chairman Jayachandra Vadde chuan, "Mizoram ah account thar hawn belh turin harsatna kan tawk a, a harsa tawh," a ti.



MRB chairman chuan, "Mizoram Rural Bank chu Customer service chungahchangah Mizoram-ah a ṭha ber leh customer te harsatna sukiang thei ber," an nih thu sawiin, an sevice ṭhat em avang hian Mizoram a mi tin deuhthawin MRB ah account an nei tawh a, account thar hawn belh turin harsatna an tawk hial tawh zawk a, MRB account nei lo mang an awm tawh miau loh avangin account thar hawng tur mihring an hmu mang tawh lo niin a sawi.

MRB hian Mizoram district zawng zawng an tuam chhuak vek tawh a, RD block 25 bakah urban centre pakhat and 11 semi urban centre tuam chhuakin branch 85 an nei tawh a, Aizawl khawpui bikah branch 18 a awm bawk niin an website chuan a tarlang.

Mizoram Rural Bank te dawr an nuam zia leh mi mawngmal leh thiam lo ber tan pawha biak nuam leh dawr nuam an nih zia hrechiangtu chu thingtlang lam mi kan ni, tiin MRD dawr thintu a hming sawilan duh lo chuan a sawi.

MRB hian tunah hian  Babu Tlang  Zarkawt Aizawl ah Head office an nei mek  a. Mizoram a Bank inzarpharh zau ber leh branch ngah ber an ni a, Mobile banking, Internet banking bakah ATM Card a hman theih tawh bawk.


(A hnuaia fakna hi i lo hmet ve kauh dawn nia.)

2 Comments

He post chungchanga i ngaihdan lo sawi ve rawh:

  1. Thingtlang lam tan dawr an buaithlak tlat, tunah pawh khuangleng bial chhung a mi MRB a account nei te chu an buai mek

    ReplyDelete
  2. MRB hi dawr an nuam khop mai Treasury Square Branch hi ka dawr thin a dawr an man hla in an fel khop mai.

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post