Zofate Pathian Biakinpui leh Zofate Hnam Lungphun-na tur ramri teh fel; November thla-ah Zofate haw runpui

Aizawl | Feb 19, 2020: Zoram Thar chuan vawiin khan Aizawl Press Club -ah cahnchinbu mite kawmin Zofate Pathian Biakinpui leh Zofate Hnam Lungphun-na tur ramri teh fel a nih tawh thu an sawichhuak.



Zoram Thar hruaitu Rev Dr Zaichhawna Hlawndo chuan, "Zoram Thar chuan Thawhlehni khan hnatlangpui kovin Zofate Pathian Biaki inpui leh Zofate Hnam Lungphunna tur ram Thenzawl Phaipui ram Kanan veng ami chu teh fel a ni," ati a. Revenue Department atangin PC Vantluanga Surveyor in ram a teh a VC member ten an tawiawm a. Hnam HNATLANG tur hian khaw hrang hrang atangin mi 30 chuang an thawk chhuak tih a sawi bawk.

Zofate Hnam Lungphun hi November 12- 14 a Zofate Hawng Runpui Hnam Inkhawmpui Thianghlim an buatsaih hunah hawn tur niin,  Zofate Pathian Biakinpui lungphum pawh phum nghal an tum a, Zofate Hnam Lungphun hi hnama nihna dik 'Zofate' puanchhuahna tur (Identity Referendum) a ni dawn a. UN leh khawvel ram dang atang pawhin mi pawimawh te pawh an sawm dawn niin Zoram Thar chuan an tarlang. 

Zoram Thar chuan March 12-13 hian Zofate Lairelna rorel palai Inkhawmpui neiin he hunah hian District hrang hrang hruaitute nen Lung phun dan tur leh Zofate Hawng Runpui hnam Inkhawmpui Thianghlim hman dan tur pawh ngaihtuah an tum.

Rev Dr Zaichhawna Hlawndo chuan, "Zofate Pathian Biakinpui hi a neitu tak chu Lalpa Pathian a ni a. A hmangtu chu Kohhran pawl bik emaw Pawllo thliar hrang lovin khawvel puma Zofa Kristian te hman tur a ni ang. A sakna hna pawh hnam hnatlang hmanga sak tur a ni dawn a. A sakna tur sum pawh a neitu Lalpa  Pathian in a mite Zofate  kal tlangin a lakhawm ang. Kohhran pawl hrang hrang pawhin Inkhawmpui nante hman theih a ni ang. Khawvel puma khualzinte hipkhawmtu tur a ni dawn a. Heng khualzin lo kalte hian Zofate kal tlanga Chanchintha an dawmna tur leh thlarau rilru leh taksa damna an channa hmun tur a ni ang." a ti bawk.

Post a Comment

0 Comments