Tiny Tots School in Art Exhibition buatsaih; Nu leh pain an hlut

Aizawl | February 7, 2020: Tiny Tots Higher Secondary School Tuikhuahtlang chuan vawiin khan a vawikhatna atan Art Exhibition an buatsaih a, Zirlai bakah nu leh pain an hlut hle.

He Exhibition ah hian Zirlai hrang hrangin an thiam thil bakah an zirlai kaihhnawih an thil siam chi hrang hrang te phochhuakin an hrilhfiah a, Zirlaiten an hlawkpui hle. Exhibition hi Model display, Painting leh Photography ah te then a ni a. Zirlaite an tang hle tih a hmuh theih a, Nu leh pain an hlut hle a, an fate thilsiam en a kal an tam hle.

Zirlaiten an thilsiam phochhuak an hrilhfiah.

KG zirlai phei chuan Doctor emaw Science lam khawihmi ang thei ber turin thuam a inbel nghe nghe.

He hunah hian KG 1 zirlai atanga pawl kua zirlai ten Science leh Social Science kaihhnawih model 26 chhawp chhuakin an entir a, KG zirlai phei chuan Doctor ang thei ber turin thuam a inbel nghe nghe.

Photography bikah hian Thlalak pawl VI zirlaite atangin thlalak mawi tak tak 25 chhawp chhuah a ni a, Paiting ah hian lemziak 16 chhawpin, Pawl 3 zirlai ten an zirtirtu hova paper bag an siam chu phochhuakin an zuar nghal bawk a ni.

Pawl 6 zirlaite kutchhuak thlalak; Panorama click

Photography huanga zirlaite thlalak mawi tak tak te chu, "Nu leh pain an hlut a, pawl ruk zirlai lekin hetiang kutchhuak an nei thei hi mak ka ti a, Ka lo huphurh aiin an kutchhuak a mawi a, Naupang hi an tuina lamah chuan thil an lo thiam thei hle a ni tih ka hriat phah," tiin an zirtirtu Nathael Vanchhawng chuan a zirlaite chunga a lawm zia a sawi chhuak.

Tiny Tots Higher Secondary School hi Tuikhuahtlang Aizawl-a awm niin,  Nursery atanga pawl 12 thleng zir theihna a awm a, tunah hian zirlai 300 chuang an nei mek a ni.

Pawl VI zirlaite lak thlalak hrang hrangin tlawhtute mit a la hle.

(A hnuaia fakna awm hi i lo hmet ve kauh dawn nia.)