MSU Hruaitute thlavang hauhin zirlai sang tel pungkhawm

Aizawl | Feb 4, 2020: Vawiin khan MSU hruaitute thlavang hauhin zirlai sang tel chu vanapa Hall, Aizawl-ah an pungkhawm.

Vawiin kha MSU hruaitu hlui leh hruaitu ni mekte Court a an inlan hun a ni a, he thil duh lo leh zirlai hruaitute thlavang hauh hian Zirlai sang tel District Court chhevel leh Vanapa hall kawtah an pungkhawm a ni.

Hemi thilthleng chungchanga nimin lama Aizawl City College Joint Students Union thuchhuah chuan, "Kum 2017 a MSU hruaitute'n Mizo Zirlai te thlavang an hauhna avangin case awrh tir an nih phah hial a. Case hi vawitam withdraw tura tih niin ngaihtha taka MSU OB te an awm laiin, Case hi a rukin a lo kal zel zawk avangin Court in MSU OB te a ko dawn a. He hunah hian Mizo Zirlaite thlavang hauhtu leh kan tan a ding ngamtu MSU OB tana kan din ve chu ṭula kan hriat avangin Aizawl City College Joint Students' Union chuan Aizawl khawpui chhunga College zirlai zawng zawngte Vanapa Hall kawtah a tul dan ang ang a hma la tura chhuak khawm turin kan inhriattir a ni e." tiin a tarlang.

Hemi chungchanga hian vawiin khan MSU President Vanlalliana chuan Aizawl Press Club ah chanchinbumite kawmin thil awmdan a sawi.

Vanlalliana sawi dan chuan, He buaina hi September 26, 2017 a Chawngte khuaa Higher Secondary School a Mizo zirlai inkhel mek Chakma ten kut an thlak avanga leh NIT Mizoram a Mizo zirlaite neksawr an nih chungchanga MSU in Mizo zirlaite thlavang a hauh vanga inṭan niin, September 28, 2017 khan zirlaite thlavang hauh hian Aizawlah Vanapa Hall aṭanga Chakma House thleng Mizo Zirlaite thlavang hauhin kawng zawh a ni a. Hetah hian MSU hruaituten Chakma House LO an hmuh chungchangah Chakma House LO hian Vaivakawn PS ah FIR a thehlut ta a ni.

He thubuai kal zel vang hian naktuk hian MSU hruaitute hi court ah an inlan dawn a. Zirlai hruaitute thlavang hauh hian zirlaite an pungkhawm thung dawn a ni. 

MSU President Vanlaliana chuan, "He case hi chinfel a nih loh chuan MSU leh ACCJSU hruaitute chuan Feb 4 aṭangin Chakma House hawn kan remti dawn lova, Students hostel sak  mek pawh thaww chhunzawm kan remti lo" a ti.

•• Website a Fakna lo lang i click apiang khan Explore Mizoram kal zelna atan tha i thawh ve a ni. ••

•• Post hi link nen i lo share ve zel dawn nia. ••