Mizoram hmingthanpui chaw 'ZU'!

Mapsofindia.com in Indian Cuisine hrang hrang a tarlanna ah chuan Mizoram Hminthanpui Chaw chu 'ZU' niin a tarlang.

     An website ah hian map hmangin India rama State hrang hrangte eitur, an hmingthanpuite ţheuh kha chiang takin an tarlan a. Chung zingah chuan, kan state thenawm Manipur chu Iromba, Kabok, Chakkouba tarlan a ni a. Manipur kal tawh Meitei thian nei chuan Iromba hre lo an awm lo ang.

      Mizoramah erawh Zu (a special tea)tiin dah a ni a, Zu hi chaw  a ni lova, Thingpui lah a ni hek lo. He thil hi tihsual liau liau niin a lang.

Tin, He post hi an website atanga a lan danin an update hnuhnun ber chu November 08, 2019 kha a ni a. ZU zawrh vanga hetianga lo tarlang an ni pawh ti dawn ila November 08, 2019 chuan sawrkarin zu a zuar tawh lo a ni.

Mahse, Map erawh map veka tarlan danin July 28, 2014 a update behchhana siam  ani a, Mapofindia hian an tihsual hrim hrim emaw an thurawn lakna emaw an thu lakna emaw te tihsual emaw a ni thei.

An thil tarlan hi a dik loh zia hi solutions@mapsofindia.com ah mail thawnin ,lo hriattir ve rawh le.

- H Zate

Founder

EXPLOREMIZORAM.COM

(A hnuaia fakna lo lang hi i lo hmet ve ngei dawn nia.)