e-POS machine hmangin buhfai sem ṭan dawn

Aizawl | February 7, 2020: Department of Food, Civil Supplies & Consumer Affairs director chuan thuchhuah siamin, February 3 a February, 2020 atana Buhfai Allotment tihchhuahah Aizawl Municipal Area-ah e-POS Machine hmanga buhfai sem tawh tura hriattir tawh chu tih danglam niin, DCSO Aizawl East leh West huamchhung (including suburb) leh DCSO Serchhip, Mamit leh Kolasib huamchhungah e-POS leh Weighing Scale hmang ngei a February, 2020 quota, Retailer ten an sem theih ngeina tura ruahmanna siam turin a hriattir.

 

Thuchhuah chuan, A vawikhatna anih dawn avangin heng District hnuaia Retailer te tan eng emaw khawl thila harsatna a awm a nih chuan rang takin DCSO leh NIC Scientist Pu Lallawmkima, emaw DD(G) Pu Laldinsanga emaw Linkwell Telesystem Pu Francis Samanta hnenah hrilhhriat vat tur a ni, tiin a tarlang bawk.

Tin,  DCSO tin te chu uluk zawka an hnuaia Retailer te vil leh enpui turin hriattir an ni bawk.

 e-POS Machine hi Electronic Point of Sale Machine tihna a ni a, khawl lian lo tak chhunga Computer monitor or tablet screen, EPOS (electronic point of sale) software, Card machine, Cash drawer, Receipt printer leh Barcode scanner te awm vekna a  i a. Card hmangin pawisa a dawn theih a, heng bakah hian  aadhaar nena link in supply department chevel awlsam takin hmunpui atangin a hriat theih tawh dawn a ni.

(A hnuaia fakna awm hi i lo hmet ve kauh dawn nia.)