2021 India Chhiarpui atan training

Aizawl | Feb 19, 2020: Aizawl District leh Saitual District hnuaia Census 2021-a thawk tur Charge Officer, Assistant Charge Officer leh official mi dangte tan nimin leh vawiin khan Aijal Club, Aizawl-ah training buatsaih a ni.

he hunah hian thawktute chu Census of India kalphung leh census kalpui dan turte hrilhhriat niin, tih dan tur inzirtir a ni.

House-listing leh Housing Census hi April atanga September, 2020 chhunga neih tur a ni a. Population Enumeration chu nakkum February emaw March thla vel-ah chhunzawm leh a ni ang. Census hi hlawhtling taka kalpui a nih theih nan sawrkar chuan mipuite tawiawmna a ngen a ni.

2021 Census of India, hi india chhiarpui tum 16na tur niin, a tum 15na chu 2011 khan neih a ni a, India chhiarpui hi kum 1872 atang khan british Viceroy Lord Mayo hnuaiah tan a ni a, 1881 atang khan Census puilting erawh tan a ni. Census 2011 khan India khua leh tuite chu kum 1931 hnua a vawikhatna atan Socio-Economic and Caste Status behchhanin a chhiar a ni.

Post a Comment

0 Comments