Aizawl | January 20, 2020: Zo Re-Unification Organisation Thalai hruaitu thar chu vawiin khan ZORO preisident R Sangkawia'n a ruat. ZoRO thalai vice president thar atan Zohmingthanga Zote hunthar veng, Michael Lalramsanga Chamari West leh Sanghmingthanga Ramhlun venglai te bakah Treasurer atan Solomon Molsom Chanmari West chu vawiin khan ZORO president R Sangkawia chuan a ruat.
Heng mite hi ZORO Thalai president L Ramdinliana Renthlei rawtna anga ruat niin, he ruatna thu hi vawiin khan tihchhuah a ni.
ZORO Thalai-ah hian ZORO president in thalai president tur a ruat a, Thalai president in a thawhpui tur a ruat/rawt leh thin a ni.
Heti hian ZORO Thalai chuan hruaitu thar President, Vice President leh treasuer te an nei tawh a ni.
Heti hian ZORO Thalai chuan hruaitu thar President, Vice President leh treasuer te an nei tawh a ni.
Tuna ZORO Thalai president L Ramdinliana Renthlei hi hun rei tak MZP hruaitu lo ni tawh leh 2017-2019 inkara MZP General Headquarters president kha a ni.
Post a Comment
He post chungchanga i ngaihdan lo sawi ve rawh: