Vawmbuk | January 16, 2020: Zanin dar 8:20 Pm khan Jonathan Sumo Vawmbuk to Siaha Maxi Cab Service chu Vawmbuk naupang ṭhenkhat JNV Sihtlangpui a sikul kal te an zuk thlah rawn haw lam Lungzarhṭum leh Bualpui (Ng) khaw inkar Pu. Aldrin-a Quarry ṭhinah a break fail-in kawng ko su in accident a tawkin kawng laiah a let a. A khalhtu ber Tv. Lalhrinliana S/0. T. Lalmuana of Vawmbuk chu a kut bawr veilamah hliam na tak a tuar a, tin, a chhunga chuang passenger dang mipa pakhat leh hmeichhia pakhat chuang ve te chu vanneihthlak takin an him a ni.
An accident tih phone call hmanga hriattirna Pu. Zothanliana Bualpui Ng khua in a dawn veleh khaw chhunga midangte kai tho in, Driver chu a ṭhat vak lo thu hriattir an nih avangin PHC Bualpui Ng lama Nurse Duty te chan chin hrilh nghal an ni a. Tin, driver hliam tuar ber hi Lungpher khua a kal tur rickshaw chuan Bualpui Ng Bazar thleng rawn phur pheiin, Pu. Lalzawmliana Taxi Van in PHC lamah tlan chhoh pui nghal a ni a, First Aid te pe in, a theih ang angin a hliam te enkawl nghal a ni. Mahse, a hliam te chu helai a tih theih a nih mai loh avangin Saiha Civil Hospital lamah an refer ve nghal a ni.
An accident-na hmunah hian va kalin, a thiante va ngaihven an ni a. Motor kawng a let pawh Pu. K. Vanlalsanga MDC leh YLA Lungzarhṭum Branch, Bualpui Ng Branch YLA aṭanga YLA Member leh mi tlawmngai an chan chin hria a, ngaihven tura kal ten tun din sak leh in, kawng sirah khualzin dang motor kal thei tura seng ṭhat nghal a ni.
Tv. Lalhrinliana (Hrina) hi a nu leh pa ten Pu. C Khawvelthanga Motor-in Siaha lamah an tlan pui nghal a ni.
Post a Comment
He post chungchanga i ngaihdan lo sawi ve rawh: