Rawna thlalak darh chungchangah BWA in ngenna siam

Aizawl | January 17, 2020: Bungtlang S Welfare Aizawl chuan A Lalrawnliana tualthihna leh a thlalak darh chungchangah a hnuaia mi ang hian ngenna an siam;

MIPUITE NGENNA

BUNGTLANG (S) WELFARE AIZAWL

Bungtlang(s) khua, Tlangval Lalrawnliana ruang thlalak chu Social Media velah a darh nasa tih hriat a ni a, khawngaihtakin mipuiten an chhungte tan en hreawm leh rilru tithar thei a nih avangin ruang thlalak hi i thehdar tawh lo turin kan inngen a ni. Tin, an chhungte ngenna angin "Tv.Rawna sawisak a nih dan leh postmortem result te pawh a hretu turtein hria se, midangin sawichhuah emaw News Group velah post darh loh ni se" an tih hi i zah sak hram hram turin kan inngen bawk a ni.

 Ruang thlalak hi a chhūng te thu lova thehdarh hi illegal a ni tih hre rengin i fimkhur tlang hram hram teh ang u tiin Bungtlang (S) Welfare Aizawl te chuan mipuite kan ngen a ni.

Sd/-

Bungtlang (S) Welfare Aizawl