NESO leh MZP in CAA duh lohna lantirnan Aizawlah Flag dum tar

Aizawl | January 9, 2020: North East Students' Organisation (NESO) leh Mizo Zirlai Pawl (MZP) chuan vawiin khan CAA duh lohna lantirnan leh JNU leh University hrang hranga zirlaite chunga tharum thawhna duh loh zia lantirnan Aizawl khawpuiah Flag dum an tar.

Zirlai pawl dangte pawhin tunkar chho hian India hmun hrang hrangah lungawi lohna an lantir mek a. MZP leh NESO pawh hian vawiin khan Flag dum tarin lungawi lohna an lantir ve a ni.

Video:

Flag tar hnatlang an neih dawna hun tawi hmanah MZP general secretary Lalnunmawia Pautu, NESO Finance Secretary Ricky Lalbiakmawia leh JNU Scholar Lawmsangzuali ten thu an sawi a. CAA duh lohna kal zel a nih thu an sawi.

Lawmsangzuali chuan, "JNU Fee tihsan a nih vanga lungawi lohna lantirna ah zirlaiten kut an tuar a. Hei hi tuna JNU zirlaite tan mai ni lovin zirlai dangte hmakhua tur a nih zawk thu a sawi a, MZP leh NESO in JNU zirlate tawrhna an ṭawmpui vanga a lawm thu a sawi bawk.