MLP hnuaiah Phalna nen beer leh wine siam theih; Phalna neite'n zu an leina tur kudam sorkarin a siam dawn

Aizawl | January 7, 2019: The Mizoram Liquor Prohibition (MLP) Rules, 2019 hnuaiah phalna (license) nei tan  chuan Mizoramah beer leh wine siam leh   zawrh theih a ni a, Mizoram chhunga siam zu  (rakzu) pawh hun bikah permit nei tan chuan  siam theih a ni. Hetih lai hian, phalna neite'n  sapzu an lei theihna hmun tur kudam sorkarin a siam dawn bawk.

MLP Act tihchhuah a nih hnuah Mizoramah zu, beer leh wine-te khap a ni a, MLP Act hnuaia Rules (MLP Rules) siam thar chu December 19, 2019 khan tihchhuah a ni.

MLP Rules chuan Mizoramah beer leh wine siam leh zawrh a phal a, hun bikah chuan rakzu pawh siam theih a ni dawn.

Hetih lai hian, state páwn lam aṭanga zu lakluh erawh zawrh erawh phal a ni lo a;  phalna neite erawh chuan Excise & Narcotics department aṭangin sapzu an lei thei thung.Rules-a a lan danin, wine leh beer siamna atan extra neutral alcohol emaw rectified  spirit la lut turin phal na neih a ngai a, Excise & Narcotics  Commissioner hnenah dilna  thlen tur a ni. Dilnaah chuan an lakna hmun tur distillery/distributor  hming, extra neutral alchohol emaw, rectifi ed sipirt-a alcohol  tam zawngte leh thil ṭul dangte an tarlang tur a ni. Mizoram aṭanga beer leh wine siam chhuahte chu  phalna nei lo chuan hmun dangah zawrh chhuah phal a ni lo a, phalna nei turin dilna 

thehluh dawna thil tel tur chi hrang hrang a awm. Mizoram sorkar chuan phalna neite'n zu an lei theihna hmun tur dawr a siam dawn a, chu chu sokarin emaw, sorkarin a ruat officer-in emaw an enkawl ang. MLP Act hnuaia zu man, 

chinfel tawh (confi scated liquor)-te chu sorkarin kudam a siamah dah a ni dawn a, office mawh phurtuin phalna neite hnenah a pe chhuak thei dawn a ni.Phalna neite hnena zu pek chhuah turte chu a quality leh brand a zirin sorkarin a man a bituk dawn a, permit neitute chu an permit-a an lei theih zat tur tarlan ang zela leitir an ni ang. Hriselna dinhmun vanga permit neite pawh vantlang  hmun, zirna in, hotel leh mipui  tamna hmunah zu in phalsak  an ni lo a, in tur zat chawh aia  tam in phalsak an ni lo bawk.

RAKZU SIAM PHALNA DILNAA THIL ṬULTE:

• Diltu hming emaw firm hming

• Zu siam chhan tur

• Zu siam leh hralhna hmun tur

• Zu siam chhuah tum zat

• Zu siam hun chhung leh hralh hun chhung

• Event buatsaihtu turte hriatpuina (recommendation)

ZU LEI / IN PHALNA NEI THEITE

1. A sovereign or head of a foreign country (ram hruaitute)

2. Ram dang palaite emaw, an aiawhte

3. 1-na leh 2-naa tarlante zuitu ram dang mite (foreigner)

4. Ram páwn (foregn) emaw ram chhung (state pawn) khualzinte

5. 1-na, 2-na leh 3-naa tarlante nena inkungkaihna neite

6. Ram dang mi Mizoram chhung firm-a hna thawkte

7. Sipai báng (ex-serviceman)-te

8. Hriselna dinhmun vanga doctor-in zu a chawhte (ṭum khatah 

thla khat aia rei a theih loh)

- Vanglaini