Khelo India a tel tur Under 21 Mizoram Hockey Team ten Guwahati pan dawn

Aizawl | January 9, 2019: Khelo India Youth Games 2020 a tel turin Mizoram Hockey Under 21 team te chuan naktuk khian Aizawl chhuahsanin Guwahati an pan ang.

Khelo India Youth Games 2020 mascot

Under 21 Mizoram Hockey team te hi India Hmeichhe Junior team player pahnih Lalrindiki- Hnahthial leh Marina Lalramnghaki, Kawnpui bakah  R Lalsangzuali - Sihphir,  Merabi Lalruatfeli - Tuipui D,  F Lalawmpuii-Tuipui D,  Lalrinchhani - Kolasib,  Lalneihpuii-Denlung, B Lalrinpuii-Bunghmun,  Lalruatdiki-Bunghmun, Zothantluangi-Kawnpui, Agnes Malsawmkimi - Serchhip, Lalrinmuani - Ramlaitui, Lalthantluangi - Kanghmun, Lalremruati - Hnahthial, Zothanpuii - Hnahthial, Lalvenhimi - Rotlang leh Lalrambeiseii - Sihphir te an ni a.

Mizoram Hmeichhe Hockey team te hi Manager Lalrampari, Durtlang leh 

Coach Lalrothuami, Mamit ten an ho ang.


Khelo India Youth Games hi 2018 atang khan neih tan niin, January emaw february thla ah neih thin a ni.

Kumin hian Guwahati khawpui-ah a vawi khat nan January 10 atanga January 22 chhung hian neih a ni dawn a ni.

Khelo India ah hian state leh union territory 37 atangin Infiammi 6,800  pungkhawmin Infiamna telh thar lawn bowls leh cycling telin infiamna 20 chuangah an inel dawn a. Guwahati khawpui chhunga hmun 8 ah infiam mite an inel dawn a ni.

Beisei danin Khelo India ah hian Infiammi, staff, coach leh enkawltute tiamin mi 10,000 vel an fuankhawm tura ngaih  a ni.