AIR HOSTESS NIH TUMTE TANA PAWIMAWH

~ Eleazer (Tetea Hmar)

Hmeichhe tam tak dream leh chak em em chu Air hostess hnathawh hi a ni ngei ang. Air hostess bakah hian stewardesses/stewards, cabin crew, cabin attendant emaw flight attendant tiin khawvel hmun hrang hranga chengte chuan kan sawi thin.

Hetiang lam hna thawk hmasaber chu Heinrick Kubis, German tlangval niin kum 1912 khan flight attendant hna a lo thawk daih tawh a. Hmeichhe lamah chuan kum 1930 vel khan Ellen Church chuan flight attendant hna a thawk tan ve thung a ni.

Tunah chuan Air hostess hna thawk turin zinkawng thui tak tak zawh a ngaih tâk avang leh passenger te dawngsawng thiam mi a ngaih thin avangin professional hna zinga chhiar tel a ni ta a. He hna thawk tur chuan chhel leh huaisen mai bakah tawngkam thiam leh taima te a ngai thin.

AIR HOSTESS

Air hostess hna thawk tur hian pawimawh tam tak a awm a. Chung zingah chuan tawngkam thiam, tawng fihfai tha, polite, zuan zang tha tak te hi a pawimawh zual an ni. A dang thenkhat tarlang ila :

1) A hmasaberah chuan passenger te thlamuan thiam a, nuam ti taka chuang tura biangbiak thiam a ngai.

2) Mi thenkhat thlawhna la chuang ngai miahlo an awm ang. Chutiang mite chuan vansang sang taka han thlawh vel chu an hlau ngei ang, an hlauhna lak atanga thlamuan theitu nih a pawimawh.

3) Thlawhna a thlawh laia passenger ten harsatna an neihin ngaihsak thiam a pawimawh.

4) A hun taka eitur leh in tur sem kual nachang hria.

5) Passenger ten harsatna an neih palha ngaihsak thiam.

6) Passenger te zingah buaina siam an awmin, chiai mai lova, hmachhawn ngam.

AIR HOSTESS MAWHPHURHNA

Thlawhna a thlawhchhuah hma leh tum hnu, passenger te an chhuk zawh hma chuan mawhphurhna an nei sang hle a. Nimahsela, thlawhna thlawk laia an mawhphurhna leh tum hnua an mawhphurhna erawh a dang thung.

ON GROUND RESPONSIBILITIES

Passenger te thlawhnaa an luh hmain Air hostess te chuan emergency thuta mamawh tur damdawi a awm leh awm loh bakah toilet fai that dan leh thianghlim dan te an check fel vek a ngai thin a. Mihring milin eitur a awm tha em tih te an enfel hmasa vek tur a ni.

Chumi hnuah passenger te lo welcome in ticket checking bakah an bungruate chu fimkhur taka lo en puiin. Mahni thutna ah an thu vek em tih te, seat belt an hreng em tih te, tukverh leh kawngkhar engkim an check fel vek a ngai thin a. Engkim peihfel a nih hunah pilot hnenah engkim peihfel a nih tawh thu, va thlen leh tur a ni.

INFLIGHT RESPONSIBILITIES

Thlawhna chhungah chuan passenger te tana eitur buatsaih bakah harsatna an nei em tih te passenger ten an mamawhna kawng engkimah tanpui hna an thawh thin a. Tin, seat belt an hreng tha em tihte pilot atangin thuchhuah a awm chuan passenger te hnena lo hrilh hriat hna thawh a ngai thin.

LANDING RESPONSIBILITIES

Thlawhna a tum chiahin bungrua a kim em tiin air hostess ten an check hmasa phawt a. Bungrua bo a awm chuan air hostess te kuta dah a ni thin.

SKILL NEEDED

Air hostess tur chuan passenger te ngaihsaka mahni ta neiha an chuan theihna turin thiam taka hna thawh a ngai thin a. A hnuaia mi ang hian thil pawimawh thenkhat tarlang ila :

1) A êng zawnga ngaihdan nei thiam.

2) Zuan zang tha tak bakah hlim hmel put tam.

3) Tawngkam thiam pangngai.

4) Han en mai pawha mawhphurhna hlen hmel pu mi anga lan thiam.

5) Tawng thiam a ngai.

6) Hmelhriat ngailoh pawh nise inhre sa ang maia passenger te be thiam.

AIR HOSTESS TURA PAWIMAWH!

Kum : Kum 18 atanga 26 inkar an ni ngei tur a ni.

San zawng : A hniam berah 157.5 centimeters leh san dan nen inmil tâwka rit an ni tur a ni.

Marital status : Kawppui nei lo emaw nei pawh (airline azirin)

Mit khawhmuh dan : Normal vision ah 6/6 emaw 6/24 (hei hi mit pahnih tan a ni)

Language : English thiam tha pangngai mai bakah tawng dang pawh thiam tel tur a awm thin (airline azirin)

Passport : Indian passport neih ngei ngei tur a ni.

Medical fitness : Mi hrisel tha pangngai nih a ngai.

Vun rawng : Hmuh nuam pangngai nih a ngai. (ngo leh ngo lo lam a ni lo.)

Education : Graduate emaw 10+2 good in (hospitality)

AIR HOSTESS COURSES

India ramah hian Air hostess zirna hmun tam tak awmin course hrang hrang an offer thin a. Thenkhatin diploma certificate course an offer laiin thenkhat chuan degree programe course an kalpui thung a. Institute hrang hrangte'na an offer thin course thenkhat tarlang ila :

CERTIFICATE COURSES for AIR HOSTESS TRAINING

Heng course kan tarlan turte zir chhuak tur hian 10+2 pass chhuah hnuah kum khat chhung zir leh tur a ni.

1) Aviation and Hospitality Services

2) Hospitality Travel and Customer Service

3) Night Rating

4) Aviation Management

5) Air Hostess/Flight Purser

6) Aviation Hospitality & Travel Management

7) International Airlines and Travel Management

8) Private Pilot Training

9) Commercial Pilot Training

10) Air Ticketing & Tourism

11) Airport Ground Management

12) Air RT / Radio Flight Officer

13) International Air Cargo

14) Certificate Course in Fare Ticketing Virgin

15) Atlantic/ GTMC Courses

16) Certificate Courses in Personality Development

16) Certificate in Aviation Security and Safety

DIPLOMA COURSES

Degree programs course te pawh hi 10+2 pass hnuah kumkhat chhung training zeta chumi hnua neih theih a ni. A hnuaia mite hi course hrang hrangte chu an ni :

1) Aviation and Hospitality Management

2) Air Hostess Training

3) Aviation Hospitality and Travel Management

4) Diploma in Professional Cabin Crew Services

5) Diploma in Professional Ground Staff Services

6) Diploma in Airport Management & Customer Care

7) Diploma in Airlines Management

8) Diploma in Airlines and Travel Management

9) Diploma in Ground handling And Cargo Management

10) Diploma in Hospitality, Travel and Customer Service

11) Diploma in Air Cargo Practices & Documentation

12) Diploma in Airport Ground Staff Training with On-job Training

DEGREE COURSES

Tuna kan tarlan turte training chhuak tur chuan sikul kal zawh hnuah kum thum chhung training a ngai thung.

Course hrang hrang a hnuaia mi ang hian :

1) Post Graduate Diploma in Aviation and Hospitality Services

2) Post Graduate Diploma in Airport Ground Services

3) Post Graduate Diploma In Aviation, Hospitality, Travel & Customer Service

4) BBA (Aviation)

5) MBA (Aviation)

INSTITUTES OFFERING AIR HOSTESS COURSES

India ramah Air hostess leh a kaihhnawih zirna in hrang hrang a awm nual a, chung zinga lar zual tarlang dawn ila :

1) Rajiv Gandhi Memorial College of Aeronautics, Jaipur

2) Air Hostess Academy, Pune

3) Avalon Academy, Dehradun

4) Air Hostess Academy, Delhi

5) Frankfinn Institute of Air Hostess Training, Delhi

6) Frankfinn Institute of Air Hostess Training, Mumbai

7) Universal Air hostess Academy, Chennai

8) Jet Airways Training Academy, Mumbai

9) Air Hostess Academy, Bangalore

10) PTC Aviation academy, Chennai and Bangalore

11) Indira Gandhi Institute of Aeronautics, Jaipur, Chandigarh, Ahmedabad and Ghaziabad

12) Universal Aviation Academy, Chennai

13) Institute For Personality, Etiquette, & Grooming (IPEG India)

Wings Air Hostess & Hospitality Training, Gujarat

TRAINING AND EXAMINATION

Airline tin hian anmahni tawkah exam leh select dan kalphung an nei vek a. An select dang tlangpui tarlang ila :

i) Written Examination : Candidate te rilru sûkthlék hriat nan airline tin hian written exam leh reasoning an buatsaih thin a. Chumi paltlang thei tura inbuatsaih thiam a pawimawh ang.

ii) Group Discussions : He test hi chu dawhtheihna, team work leh communication skill kan neih that leh thatloh hriatnan a ni.

iii) Interview : Fiahna zinga a tawpna ber niin a pawimawh bera ngaih a ni thin bawk. Interview kan paltlang hlauh chuan thlaruk chhung training tura koh kan ni phawta, chumi hnuah airline ah hna kan zawm thei chauh a ni. (note : thlaruk tih hi airline azirin a danglam ve thei).

AIR HOSTESS TE HLAWH ZAT!

Chumi khami zat chu an hlawh thin ti-a sawi chian a har angreng. A chhan chu airline company te hlawh pek dan hi a danglam vek vang a ni. Mahse, kan hriat tur chu domestic airline vela thawkte aiin international airline vela hnathawk ten an hlawh hnem zawk tlangpui thin.

Tun dinhmunah Domestic airline vela thawkte hian a tlangpui thuin Rs. 25,000 – Rs. 40,000 an hlawh bakah thawk senior deuh ten Rs. 50,000 – Rs. 70,000 vel an hlawh tlangpui thin a.

Hetiang a nih laiin private airline thenkhat te chuan thlakhatah Rs. 2 Lakh vel an hlawh tir thin ni-a hriat a ni.

Air hostess te hlawh hi chiang taka sawi chat a harsat thu kan sawi tawh kha. Airline thenkhat te phei chuan an hlawh bakah medical insurance, retirement plan bakah hamthatna dang tam tak an pe thin bawk.

AIRLINE COMPANY THENKHAT TARLANG HRIM HRIM ANG.

1) Indian Airlines

2) Air India

3) Alliance Air

4) INDIGO

5) Go Air

6) British Airways

7) Qantas Airlines

8) Delta Airlines

9) Gulf Air

10) Singapore Airlines

11) United Air