MTDA SERIAL A KAL TIR HI KAN DUH - Supply Minister

Kolasib: Supply Minister Pu. K. Lalrinliana chuan MTDA in FCI kumdam atanga Buhfai an phurhchuahna a serial an siam chu Department pawhin kalpui an duhdan a nih thu a sawi. 



Zawhna chhangin Supply Minister chuan MTDA serial kalpui chu an duhdan a nih rualin Caryieng Contractor-in MTDA serial hmang lo tura court a an khin hneh avangin inremna siampui mai loh chu tihdan a awm loh thu a sawi a, contractor leh MTDA te inremna an siampui pawm mai loh chu MTDA te tan tihtur a awm chuang bik lo niin a sawi bawk a ni. 

Hetihlai hian MTDA te chuan an serial anga buhfai phurh an kalpui theih loh avanga an nawrhna chu krismas vuakvet avanga an call off rih thu thuchhuah siamin an tarlang a, kumthar lama an hmalak leh dan tur erawh an la sawi lo a ni.

- ZMP Tlau
Editor,
Zingá¹­ian

Post a Comment

0 Comments