LBS Suzuki Youth Icon 2019 a hmawr bawk; Youth Icon atan Zothanpuii

Aizawl | December 8, 2019:  LPS vision buatsaih zaithiam inelna LBS Suzuki Youth Icon 2019 chu thla khat chuang zet inelna kalpui a nih hnu-ah nizan khan a hmawr bawk a ni a, Chanmari West nula Zothanpuii chu LBS Suzuki Youth Icon 2019 atan thlan a ni.

Zothanpuii, Malsawmdawngliana leh R Lalsangzuali

Mizoram zaithiam zawnna inelna ropui tia chhal ngam Youth Icon 2019 hi October 29 ațang khan tanin, thalai kei ka ni inti chin 300 vel inlan karah nizan khan  Dawrpui Multipurpose Centre -ah Zothanpuii chu 
LBS Suzuki Youth Icon 2019 atan puan a ni.

He intihsiakna-ah hian Ramhlun South nula R Lalsangzuali(Abawihi) chu pahnihna niin,  Pathumna hi Chamring tlangval Malsawmdawngliana a ni.

LBS Suzuki Youth Icon 2019 winner Zothanpuii hian lawmman ah sumfai ₹1,50,000 a dawn bakah thilpek hrang hrang mi hran hran hnen ațangin țhahnem tawk a dawng a. Pahnihna  hian lawmman ah sumfai ₹70,000 leh thilpek hrang hrang a dawng a. Pathunma pawhin lawmman ah sumfai ₹50,000 a dawn bakah mi hran hran hnen ațangin thilpek hrang hrang a dawng bawk.

Youth Icon hi Pi Lalmalsawmi tuna AMC Councillor ni ta ho hian a hmasa ber atan 2006 khan neiin, Zoramchhani chu Youth Icon hmasa ber atan thlan a ni a, Youth Icon 2007 Malsawmtluangi(Msi) thlan a ni leh a, chumi hnu chuan rial vang vangin 2012 ah thlang lehin H Lalrempuia thlan a ni leh a, Kum 2016 ah nei lehin K Lalthlamuankimi thlan a ni leh bawk. 2016 hnua neih leh hmasak berah Zothanpuii chu Youth Icon atan thlan a ni ta a ni.

- with inputs from ~ Vanlalruata Pautu
Pic: Johnny

Post a Comment

He post chungchanga i ngaihdan lo sawi ve rawh:

Previous Post Next Post